Flying with Ti - British Airlines

3 July 2012


上左飛機喇 可能我係小朋友嘅關係啦

每次跟旅行團都會有窗口位安排到比我

今次坐十二個鐘機 其實坐邊都冇所謂

最緊要係訓到覺啫


英航嘅座位比我地想像中窄

機位同機位之間真係有焗促嘅感覺




上到機 mami細心幫我地吹頸枕

其實吹氣嘅頸枕有好有唔好

好嘅就係慳位 我地一家三口帶三個頸枕真係冇位放

但吹氣嘅話又真係冇咁衛生

見唔見到 我嗰個頸枕係Don Don嚟架tim

mami特登買比我架

 

講到呢度 mami之前話好傷心嘅事比don don頸枕喚醒左

我留底左Don Don喺閘口附近嘅凳度呀

當MAMI搵左好耐都搵唔到dON doN 時 我地更深信佢冇跟到我地上機lu

我扁扁嘴兩行眼淚湧左出嚟  我好傷心呀

相機壞左 Don Don都唔見左....

起飛喇 mami同我一齊望香港嘅夜景

好靚呀....

我兩行眼淚笑住同Mami say goodnight

呢個係我好大嘅教訓 我冇好好珍惜Don Don 擺低左都唔知...

就係咁嘅情況之下 我訓左人生第一個連續十二小時嘅睡眠

我好掛住你呀 Don Don...

喺我訓左覺嘅同時

佢地開餐lu 頭先七點幾一餐

依家一點又另一餐 哈哈 好彩d野食唔好食啫

如果唔係成份餐食晒仲得了嘅


派餐嘅唔係空中小姐 而係空中阿伯

英航嘅空中阿伯個個都噴晒古龍水  佢地行過即刻醒晒....

服務唔算好又唔係差 最衰係佢地慳得就慳

以前都有小朋友紀念品送下 依家縮埋皮 全機小朋友都冇禮物

食完個餐 Daddy同我一樣訓到成隻豬咁

反而mami搞下呢度搞下嗰度 佢十二個鐘裡面完全冇訓過!!!!!

佢淨係閉目養神 一時同我同daddy按摩腳仔

一時去機尾做運動舒展一下

話咁快 (對我同daddy嚟講) 就到英國附近喇

嗰陣係英國零晨三點幾 望出去 好靚啊~~~~~

見到空中阿伯派早餐 就知道

英國離我地唔遠喇 Yeah! 我衝出左亞洲喇

期待充滿奥運氣息嘅英國機場迎接我地!