返"夜更"既爸爸

愈黎愈發覺老公似一個返夜更既爸爸  titi 你覺唔覺呀

先講星期一至五 (咁佢"返夜更"都好正常 佢日頭要返工嘛)

ti爸放工即刻食飯 食完飯就沖澡 之後拿拿聲打舖機 打完機就開定本notebook(睇波用)準備"返工"

"返工"即係照顧諾兒bb咯 熟手餵奶 掃風 洗奶樽 煲水 換片片 抹屁屁

(有時半夜訓醒見到佢同個囡睇波 囡囡當然進補中啦 <<<時間啱啱好 titi食奶佢睇波)

見到ti爸"返工"即係我"放工"啦 "放工"既我拿拿聲沖涼訓覺 好爽呀 嘻嘻

但係到左星期六 日 mami就唔爽啦 雖然ti爸全日休息 但係佢依然返夜班架

朝早打機到六點 好彩有婆婆同嫲嫲得閒過黎 等我唔洗一個人對住小魔怪

到左夜晚ti爸自自然然又走出黎 開定本notebook 餵奶掃風換片片...... 真係吹到"bear"一聲呀

原來ti爸淨係返夜更 早更係唔見人架 (依家mami同佢鬥緊唔洗奶樽 睇下最後邊個洗 嘿 )

趁呢個時候mami同titi bb又影相lu 嘻嘻 mami今次唔整鬼你幫你影靚靚丫

諾兒有冇大個左呢

其實二十日人仔既佢都算好大隻囡啦!

(4kg既諾兒依家食4安半奶 哈哈 勁呀! 人地柏芝bb滿月都係食4安咋 )

咁多張相我最鐘意最尾個張 titi做左個手勢話 "ok" 呀 嘻嘻