母女第一次覆 診

今日算係我地一家三口第 一次去街街既日子 (雖然只係覆診)

  小ti一上車就訓lu 可能ti爸揸車揸得好穩卦

   

我地兩點幾又返去瑪麗咯 今次係用輕鬆既心情

唔似得嗰日膽戰心驚咁

今日小Ti返去係做測試洗唔洗"照黃" 好彩姑娘話佢唔洗照 如果唔係就要留院lu

另外姑娘仲要幫佢磅重啦 洗臍帶啦 洗臍帶嗰陣 個衰b喊到拆天

而我呢就係返去拆線啦 拆線都幾痛 但個姑娘好好人 同好有心機 令我relax d

哇 拆完線輕鬆晒 搞掂晒d野之後就去左灣仔接小ti既公公婆婆

今日係公公第一日見titi 我見佢好開心咁抱住titi唔放 仲有婆婆都係

突然覺得自己好大個 可以令自己爸爸媽媽抱孫 唔知我第日會唔會同佢地一樣呢?

今日影左titi好多相 好好笑 我最鐘意就係佢掃風個樣啦!

    哈哈 似唔似鐘樓陀俠呢 好低能呀 好樣衰呀 bb

   

最後 我要好多謝奶奶既燉品 湯水 令我身體一日一日好過來

今日有花膠燉雞 同埋木耳"藍祖"去瘀血 仲有鮮雞焗飯