英格蘭事件......Titi女扮男裝

嘻嘻 titi再次比mami整鬼啦 今次titi扮男仔呀

之前買落一件好似波衫既衫仔 (當然係好假既波衫 除左英格蘭隊仲有巴西隊tim架)

琴日拎出黎一睇 哇 好快會唔啱身啦 於是拿拿聲同titi影番輯波衫相先 (哈哈 二十日人仔就有波衫著)

你地睇下小ti扮男仔都得喎 嘻嘻 咁樣著仲見到有個肚腩仔tim

唔知第時大個titi會唔會鐘意踢波呢 我諗應該唔會啦 係唔係呀 titi?

Titi其實好想反抗唔著波衫 但mami堅持之下

都係做左  "5" 號球員呀 !

ti爸就好啦 同小ti影相 小ti有望鏡頭呀!

琴日仲有件唔開心既事呀

第一就係見到報紙話有兩個,係兩個呀 兩個媽媽患有產後抑鬰跳樓死左

其中一個仲有遺言:記得餵奶

我見到好心酸呀   陀得咁辛苦 生得咁辛苦

咁輕易就錯過陪bb成長既日子 仲有同老公生活既時間 好唔抵

但我都試過喺生完bb頭兩個星期 有呢d消極既想法 盡量搵人傾 好快就冇事架啦

祝所有天下既媽媽 日日陪住老公同bb都快快樂樂 enjoy相處每一刻!