十二個月至十三個月
今朝mami同爸爸訓到隻豬咁呀 一訓就去到十點半
titi吵吵鬧鬧先叫得醒我地 嘻嘻
sorry呀 titi 搞到你十點幾都冇奶奶食
抱起titi 噢 再次sorry呀 原來佢已經大大左
喺肚仔餓同大大纏身情況下 都仲可以捱到十點半先叫我地 thanks!!!
洗白白 食奶奶 忙完一輪 就出發搵titi婆婆咯
尋日嫲嫲做節 今日到婆婆做節 又有餐食 yeah!!!
我地去左九龍寨城公園行一陣 影左輯相 titi著左鄉村姑衫 靚靚呢
喺公園唔覺得熱 反而好涼爽 titi心情都好好呀
我地仲去左好耐冇去過嘅清真館食lunch
清真館依然多人 依然出名 但牛肉餅變得唔好食lu.... 好咸呀
離開九龍城 我地"貢"左去樂富 titi喺度揀左佢人生第一個燈
記住呀 titi 係揀唔係買呀 如果計買 玻璃兔係第一個呀
mami估路估唔到 佢居然隻 技安 呀!!!!!!!!!!!!
佢真係自己揀架 一去到就要技安 仲要攬住
之後比kitty佢唔要 比mickey佢唔要 係都要技安
哈哈 titi 咁快你就鐘意大隻佬 都唔知你算唔算識揀呀
<<攝於樂富>>
跟住就同聰少 yee ee返一返沙田攞野 趁佢攞野
我地去左嘆思樂冰 正到爆呀 真係好好味 好解渴
離開沙田 就去返婆婆度咯 mami幫手煮飯 yeah
好好味嘅兢餐準備好喇 食之前乾杯先
好開心嘅一餐做節飯 年年都要食啊
<<攝於婆婆家>>
,
飯後就去左婆婆附近嘅公園 荃灣公園賞月...
賞月．荃灣公園
<< titi最愛嘅虎虎 mami話過中秋你一定見到佢 >>
聰少同yee ee今晚又買左特大螢光棒 仲有螢光飛碟呢
荃灣公園好多人喺度賞月 玩燈籠 食月餅 好高興
mami喺度諗香港都好多幸福家庭丫
個個小朋友最少都有一個燈籠 父母都喺身邊陪笑陪玩 ^^
諗諗下望見爸爸同聰少已經玩緊飛碟 仲好high呢
終於...
哈哈 如果titi下年識跑 一定追住要一齊玩都似
今晚陪我地賞月嘅有大班冰皮月餅 有生果
喺mami好滿足之際 一個飛碟片埋嚟..... 好憤怒!!!
邊個? 聰少笑到肚痛話係爸爸 但我口中罵著嘅係yee ee
一個好開心嘅賞月夜 有mami一家 有ti爸 也有titi
沒有留言:
張貼留言