食完lunch 我地繼續奇妙之旅 直衝森林探險
一見泰山game冇人玩 我地一枝箭衝過去咯
話時話 titi戴襟章 我又戴襟章 點解佢咁多人同佢講生日快樂
但我成日得兩個嘅 仲有呀 點解 titi咁多staff比禮物佢 我冇嘅
迪迪尼淨係welcome小朋友嗎 ? 唔公平呀!!!
睇下個衰豬幾神氣 哥哥比兩張咭佢啫 對住我笑成咁
好似話 : mami 我有 你冇呀
我地之後去睇巡遊 再同公仔合照
跟住去shop涼下冷氣 ocean park同迪迪尼唔同嘅地方
就係 喺迪迪尼唔會熱c 隨時有shop比你休息
ocean park就好好好熱呀
minnietiti扮盲俠呀?!
行完shop titi拖住行 mami覺得好溫馨 感覺好正
爸爸永遠係titi嘅最好朋友 老友記呀!!!
過返去城堡搵公仔再合照 再睇埋3D show
睇完show 時間啱啱好 去玩埋pooh pooh
titi一見到虎虎就say hi 唔驚之餘 仲愈嚟愈friend呢
晚餐lu 我地左近放煙花嘅餐廳 mami都貪佢有香蕉船賣
加枝candle 又再celebrate過 好野 titi要快樂啊!
諾兒 mami話過一歲要為你放煙花 睇下 真係放喇
這是一歲煙花
是為諾兒一歲而放的煙花啊
妳睇左一眼煙花 小手臂圍著我嘅頸 好驚嚇嘅樣
mami永遠都記得你嗰一刻嘅神情 係興奮 驚驚 定好奇呢?
之後 你開始拍手喇 你都鐘意煙花嗎? mami好鐘意
mami第一次睇煙花係同爸爸睇嘅 好難忘
今次同titi睇 更加難忘 好好睇 好靚呀... mami望titi又望煙花
望望爸爸 嫲嫲 姑姐.... 多好 心裡想著 : 兩家人都要幸福健康啊
我有三個樂透的家 第一個係titi公公婆婆比我
第二個係titi爸爸帶比我嘅
而第三個係我同titi爸爸建立嘅
呢一刻感恩.... 感謝神嘅帶領
眼晴又濕濕了 mami很沒有用呢 ^^ 嘻嘻
Titi, 爸爸話..... 佢話呀........
我地兩個好似睇緊火災多過睇煙花喎
低b老公 低b爸爸 都係你嘅攝影問題啫 !!!
沒有留言:
張貼留言