十二至十三個月閒記
之前mami喺公司同個客傾計 講開游水
Mami話想同titi再去游水呀 之前淨係玩沙 冇落過水
因為d水質好差 唔敢落水呀 上次同shampoo去黃金海岸仲恐佈
個客好好呀 介紹左好多泳灘比我 其中一個就係三星灣喇
哇 原來三星灣真係好難去 要去到白沙灣再book舢舨去架
mami初初諗住算啦 太麻煩 都係唔好去喇
點知上網睇真d 哇 d水質真係好清咁喎
幅幅圖都鬼咁靚咁 所以今日星期六決定同titi去
仲帶埋新潛艇去呢 準備好晒d野就出發咯
今日好好天呀 少少雲 唔凍 唔曬 一流呀 約埋婆婆 yee ee同聰少
去到白沙灣 有人會問你泊唔泊車 醒多佢少少比佢
佢就會幫你入咪錶 服務一流 等一陣就有船去三星灣咯
ti爸留心一睇 原來三星灣都好近上次滘西灣魚排架
好野 終於到喇 哇 真係好耐冇見過咁靚嘅沙灘喇
自從上次紅海之後 冇見過咁清嘅水 仲要個沙灘唔多人呀
同titi換好游水用嘅尿片 換好晒泳衣 就直出沙灘咯
titi今次一d都唔驚沙 唔驚水 初初都用新潛艇 之後唔肯坐
我地懷疑佢暈"船"浪 哈哈 佢一唔用潛艇 成個人生猛晒
仲肯游兩野呀 笑c我地 佢游得兩野架 仲一路游一路同人say hi
<< titi嘅游水片段 >>
依家個衰豬say hi真係識叫hi 比以前嘅講係一個大進步呢
玩左三個鐘 累c咯 titi初初唔肯上水呢 一上水飲下水水先
今日我地enjoy呢個沙灘指數係十 enjoy天氣指數都係
好耐冇試過喺一個沙灘玩得咁開心!!! 以後一定會再嚟
回程時嘅媽媽好開心 終於有返古銅色喇 yeah!!!!
成個沙灘都係古銅色美女 mami唔可以輸蝕嘛 嘻嘻
離開三星灣 我地去左市中心行街 titi都係周圍hi人
lunch嗰度 甜品嗰度 boutique嗰度 係人都say hi 仲要有笑容架
<< 自己食小西瓜 >>
依家mami喺度諗 如果十一月返學嘅interview都咁好笑容就好咯
晚餐試左荃灣嘅清湯腩 都幾好食喎 計大利清湯腩 安利嘅清湯腩
呢間都係一間唔錯嘅選擇 喺荃灣千色店附近 值得一試
titi依家累得奶樽都唔揸 要爸爸呢...衰囡 ^^
沒有留言:
張貼留言