追月．石澳

     十二個月至十三個月

 

 假期最後一日喇 亦都係同屋企人過 開心嘛!!!

   我地一早同嫲嫲去飲茶 之後就準備好燒野食嘅用品

    無錯 我地揀左黃昏bbq 而地點係石澳 好近呢 ^^

   而且去石澳可以游埋水 趁titi仲對游水有興趣

   就拿拿聲"的"佢落多幾次水 下年要跟wing叔叔學水呢

去到石澳有鐵騎封車場呀 搞到ti爸唔知點好 好彩爺爺出動...

   哈哈 爺爺扮晒野問 : 阿sir 我地唔熟呢度呀 請問仲有冇車位呀

於是個警察好好人咁call台問 之後就比左我地入去

 其他跟喺後面嘅車都入唔到呀 爺爺今舖萬歲 yeah!!!

 

    追月．石澳

我地今次租嘅地方唔好呀 太入好多烏蠅 仲有d焗tim

  好彩黃昏唔曬 之後仲涼爽d 如果lunch去燒就c得咯

    睇下titi訓醒 呆呆地但好好心情 周圍同人say hi

  

   

    mami快手快腳同titi路除衫 再換泳衣 就向海出發

 mami今日唔落得水 (嘻嘻) 所以唯有要孻叔同佢去玩

   等ti爸泊好車 就到ti爸同titi游lu 今日都幾大浪 titi飲水呢

  

   

   

    

    玩左一陣 夠皮喇 返去開爐先 追月行動嚟啦

  

    今次奶奶買野食嘅份量啱啱好 抵讚 唔洗浪費

   燒野食最開心就係有傾有講 叉野又講 斟野飲又講

  焗到個個臉旦紅紅 嘻嘻哈哈 好快就到追月時間喇

 

    

 

   

快d鋪好沙灘墊 拎埋水晶梨 提子 月餅出嚟咯

      哇 yahoo講得啱 今年初十六嘅月亮最靚呀

 又光又圓又亮 好浪漫 海風吹埋嚟 好舒服

    我地用螢光棒砌圓圈圍住titi 哈哈 titi伴月呀

  之後君君再用螢光棒插住d沙 好多靚呀   

       titi好比心機拎d螢光棒擺返落個筒度

   擺得快過我執呀 勁野呀 果然一歲喇

  

   

   

   

  

   

 

    回顧下上年同titi中秋的快樂時光 嗰陣mami超腫啊

  

今年總括嚟講 我都係最鐘意初十六嘅亮晶晶月光

   祝大家中秋節快樂 一家人永遠開心 人月兩團圓

 家好月圓 追月夜 在石澳...