十月十一日 星期六 天晴帶炎熱
十三至十四個月閒記
mami返半日工 唔太忙 d人開始冇咁多野問喇
自從上星期諗通之後 心情好好多 記住返工係為錢啫
哈哈 坐半日就有幾百蚊 都唔錯丫 努力d工作 開心去旅行
titi冇嚟接我收工呀 因佢喺婆婆度渡假中 (星期5送過去)
接晒yee e 婆婆同聰少 (佢地喺新屋整野) 就出發去九龍城咯
九龍城食咩? 除左牛肉餅 仲有一間好出名嘅魚旦粉架
去到排左一陣隊 好快到我地 d魚旦好好味 但我都係鐘意安利啫
titi全程訓覺 到佢醒嗰陣我地已經食完咯 titi望一望檯面
出到去就眼紅紅 扁晒嘴 仲咩呀? 仲咩唔開心呀?
爸爸淡然道出 : 佢唔鐘意我地食野唔預佢呀!!
吓??? 唔會卦? 之後mami同titi講 : 頭先你訓覺嘛 sorry咯
哈 個衰妹即刻冇事 仲笑返!!!! mami好驚呀 自己個囡原來咁懂事
真係以我地食飯唔預佢就唔開心 好委屈咁 mami問爸爸點知嘅?
爸爸話上次都係咁喎 仲話人人都知 我自問都成日喺個女身邊
點解我依家先留意到嘅? titi mami今次忍唔住讚你一句喇
行左陣街 就衝去九龍仔公園喇 好舒服呀 涼涼地
titi最鐘意玩水水 同埋去公園 喺公園佢指住d野識講 :"
見到雀仔叫 "啫啫"
見到狗仔叫 "row row "
聽到mami話好曬好光 佢就指太陽
企喺草地上面就拍心口話 "驚驚"
見到小朋友就叫 "姐姐" "hi" " bye"
摸到汽水就話 "辣辣" (唔理凍定熱都係辣 搞鬼)
*** 依家titi有架小飛機 mami特登買比佢架 依家佢識咩係飛機
我地話飛 佢就好開心咁舞架飛機 仲識講 "They " 哈哈
仲有最搞笑就係見到女嘅都叫姐姐 除左你教佢呢個係ee 就叫ee
佢喺公園玩得好開心 mami愈嚟愈鐘意懂事嘅titi
可能mami本身唔鐘意太細嘅bb卦 鐘意識回應嘅小朋友呢
假期去玩去食最緊要 離開九龍城 我地特登去左旺角
就係為左食肥姐小食店呀 d腎呀生腸真係超超得呀
難怪喺 openrice一直 keep住最高人氣啦 number1
回程返荃灣 個個喺車都訓晒
ti爸好可憐啊 連音樂都冇得聽....好眼訓呢
晚餐試左新開嘅 PHD 好好味呀 同樣係pizza hut嘅店
但點解d pizza 好味咁多嘅 d雞搥都好得呀
呢排經歷左好多野 有人無故去世 有人意外去世
有人患病去世 有人破產賣房子 有人一生儲蓄敗光
眼看男的拖住新歡 而他的另一半還笑著說自己很幸福
她完全毫不知情 真的幸福嗎? 沒有人敢說 黯然.....
好多好多事發生喺mami身邊 生活可次開心一點嗎?
上星期搵到答案 係可以嘅 自己先管自己嘅野
有精神 有時間才管別人的事 人生苦短 世事無常啊!!
及時行樂 有得玩就玩 有得食就食啦喂
ｈａｈａ
回覆刪除我地住系日本嘎
０甘旅行
好金ｇａ
[版主回覆10/14/2008 10:08:00]見到呀 你幫囡囡著得好靚呀
我地就嚟過去日本 但唔係大阪 之前有去過 好舒服 relax嘅生活
anna同你嘅親子裝超靚 你自己整架?
我今次去日本想幫titi掃 hysteric mini呀 唔知到時有冇on sale呢 ^^
ha ha~~Titi眼仔大大，笑得好甜呢！
回覆刪除[版主回覆10/14/2008 10:10:00]多謝 你地一家者好開心
一開你個blog就感受到你地嘅幸福 我唔係亂讚人架
但相信神嘅人必定幸福 可惜我冇返教會....titi第日會跟婆婆返主日學 之後可能我會重返教會....由神帶領吧 ^^
一唔預佢食嘢就扁晒嘴... 好搞鬼啊... haha
回覆刪除[版主回覆10/14/2008 10:18:00]真係架 冇諗過佢會咁樣而覺得委屈唔開心 下次都唔知叫唔叫佢起身好呀.... ^^
titi識叫好多嘢!
回覆刪除我想問titi有冇食手指? 小欣欣呢排成日食手指, 每次出街落地掂完嘢就要即刻同佢抹手, 就黎抹爛手!
[版主回覆10/14/2008 10:12:00]呢排有用手指篤牙肉呀 但佢一出世到依家好彩都唔食奶咀
亦唔食牙膠呀
我諗佢係牙癢 好可憐呢
佢可能似我好鐘意講野 好鬼煩呀 喺街係咁叫人 hi 姐姐
姐到人暈為止呀 生左佢先發覺自己成日講野都好煩呀 ^^ 哈哈
哈哈...因為飲汽水有汽好"那"所以titi話 "辣辣"
回覆刪除[版主回覆10/14/2008 10:13:00]哇 咁都比你諗到 都可能係喎 哈哈 辣辣
我都係咁耐,一定要及時行樂~~因為今日唔知聽日事ma~~haha
回覆刪除[版主回覆10/14/2008 10:14:00]唉 當人一次過見咁多慘事 就會諗通 睇化晒d野...
回覆刪除做咩titi好似咁驚咁嘅?
titi:唔好埋黎呀,我用水潑你嫁
[版主回覆10/14/2008 10:15:00]哈哈 係呀係呀 我特登post呢張出嚟呀
佢好似好呆好驚咁呀 笑c我
titi果日好好笑容呢..笑得好甜呀..
回覆刪除[版主回覆10/14/2008 10:16:00]多謝呢 爸爸話佢同我笑嗰陣有月型眼 (老實講 我唔明咩叫月型眼 但見佢咁like就笑多d咯 哈哈)
TITI原黎係為食豬播~!! 食野唔預佢就唔開心~!!
回覆刪除[版主回覆10/14/2008 10:17:00]係咯 真係扁咀架 搞笑 仲要眼仔紅埋 勁委屈咁 初初嚇c我地呀
得ti爸好冷靜.... ^^
又係呀......開心過每一天呀..我地要........珍惜......真係今日唔知明日事嫁
回覆刪除[版主回覆10/14/2008 10:05:00]珍惜....係呀 但經過咁多事 仲要突然之間一次過發生....好驚最愛嘅人唔喺身邊嘅感覺....
及時行樂 有得玩就玩 有得食就食啦喂
回覆刪除=> 絕對係呀!!!
ALVIN同TITI一樣, 都係多野講個D小朋友呀.
[版主回覆10/14/2008 10:04:00]哈哈 第日佢地會唔會
alvin : titi你聽我講先啦
titi : 你聽我講先啦...我做咩聽你講...
世事難料呀! 自己睇開d, 錢又搵唔哂, 好多事自己無法預料, 最緊要係你今日開心左未先? 要識得令自己每日都開心, lee樣先係最重要
回覆刪除[版主回覆10/14/2008 10:03:00]唉 真係睇開d
今日都唔係好開心呀 病病地 哈哈
anyway你好好人呀 多謝晒 ^^
真係好鐘意睇TITI既相..張張都好靚
回覆刪除[版主回覆10/14/2008 10:02:00]多謝呀 都係隨心影架啫 一部傻瓜半專業機走天涯
titi第一幅勁似鬼妹呀!!!
回覆刪除[版主回覆10/14/2008 09:59:00]你知佢咩血統架啦 ^^
titi媽你咁失敗架，titi爸仲細心過你喎！嘻嘻！ titi媽我想問你呢，titi有對lace socks你係邊買架？我揾吾到呀！
回覆刪除[版主回覆10/14/2008 09:59:00]鳴鳴 係呀真失敗呀 哈哈
對lace襪喺英國訂架 嗰陣有人叫我訂 我一次過訂左三對 爛淨一對
但好耐之前架喇 hk好似冇得賣架 ...^^
得快樂時且快樂!其實自己好幸福快樂架喇!睇開啲喇!唔開心時,諗下自己個心肝寶貝,咩野唔開心都冇架喇!
回覆刪除[版主回覆10/15/2008 22:42:00]一時時架 撞啱心肝寶貝扭計 哈哈 你知啦 仲煩呀
今日仲要打左針 發老皮呀
但anyway多謝你 我好快冇事 又開心返架喇
講得好, 有得玩就玩 有得食就食啦
回覆刪除[版主回覆10/15/2008 22:43:00]冇錯 人生講得最啱嘅道理 唔太過份嘅野 滿足左自己先啦 哈哈
titi咁細個就識,以為你地唔預佢,佢會唔開心,titi真係好叻呀~~
回覆刪除[版主回覆10/15/2008 22:44:00]今次真係讚佢 我真係冇諗過佢原來已經懂性...我之前冇留意過呀...
一睇 titi個樣,就知佢醒目啦
回覆刪除[版主回覆10/15/2008 22:45:00]多謝你呀 但佢一時時架 有時知你講咩 扮唔知扮傻 好討厭呀 ^^
撐你呀呀呀~~~ 你咁樂天性格, 無事既, 唔開心一陣好喇喂
回覆刪除[版主回覆10/15/2008 22:46:00]多謝呀 庭庭媽 真嘅 我好快唔記得d唔開心嘅野 得快樂時且快樂嘛 ^^