十一月十二日 天晴
十四個月至十五個月閒記
ti婆連續三日休息 於是titi又開始佢嘅渡假旅程lu
星期三 見titi公公都休息 mami都攞一日補假去玩咯
ti爸一早車我地兩母女去荃灣 titi一到荃灣就好興奮
一味叫婆婆同yee ee 哈哈 個衰妹認得地方呀
車未停定titi就企起身指住婆婆大叫 搞到婆婆好開心
我地買左M記上樓食 titi就食奶奶同白白
搞掂好晒我地就出發咯 今日嘅目的地係迪欣湖呀
點解揀呢度去呢? 第一 冇咩野行 但未去過又心思思
第二 ti爸冇興趣 第三 平日去好似少人d嘛
Let’s go!!!
我地坐港鐵去到茘景站轉迪士尼綫 之後再坐R8巴士
個巴士站靚唔靚呀?
好快就到我地嘅目的地 ~~ 迪欣湖喇
搵個地方比titi食個靚飯仔先 婆婆愛心飯仔 yummy!!!
哇 一個人都冇呀 開始有d驚 … 一去到就見到好大個兒童遊樂塲
titi就好似發左癲咁衝過去 哈哈 因為佢見到個swing呀
呢個swing好得呀 因為佢set得離地面好高 玩得開心d
titi一玩就好high咁 一路fing腳一路叫 好似人地玩過山車咁
之後佢就睇中左個噴水池仔 過去玩水
mami見佢咁玩法 拿拿聲”的”佢去”sir”滑梯
titi成功上左一次樓梯 自己擰轉一”sir” 哇 好跣咁呀
一睇個衰豬知好好”sir”啦 佢玩左好多次 搞到阿公巧累呀
玩左成個鐘 個臭豬仲賴屎唔走 mami走咯 byebye
titi見我地走 先拿拿聲衝返過嚟 哈哈 佢好似好驚比人賴底咁呀
我地沿住個湖嚟行 天色好好呀 迪欣湖最多嘅係草地 花同樹
d草皮好靚 好sharp嘅綠色 titi好開心呀
除左草地 仲有小小瀑布呀
老實講 都好悶 ~_~ 其實本身佢有提供水上活動架
離開迪欣湖 我地屎左喇 很累呢
去左葵芳食lunch 之後mami去整頭
爸爸收工過嚟接我地去食扒呢 ^^
沒有留言:
張貼留言