十一月八日 天陰陰 轉冷
十四個月至十五個月閒記
是日精選照片 諾兒十四個月
福祿壽台柱終於有gathering喇
呢個聚會真係一個纏綿嘅聚會
點唔得閒都要出嚟呀 哈哈 冇辦法啦 太啱傾 太好玩喇
mami肉麻d講句 寫blog最開心識到佢地兩隻野 仔皇媽同小喬媽
仲有係佢地兩個honey 都好鬼啱傾 好鬼爽
我地三pair無論老婆對老婆 bb對bb 老公對老公都可以好多野傾呀
今次我地揀左沙田嘅shxxxx pizza落腳 好好味 但服務真係唔多好
一早同titi扮靚靚 就出去食lunch 初初諗住同嫲嫲食 但佢忙緊 呵呵
我地唯有去mega box食啦 順便買去日本嘅野
去到先知今年megabox嘅christmas blessing用winnie pooh pooh呀
好靚呀 仲有titi最愛嘅虎虎 佢一見到就衝過去 : 虎虎
試左RisX嘅便當餐 好好味 好值得推介 40蚊有沙冰 生果 飯 同小食
樣樣都細細份 食晒都唔覺好飽呀 下次再嚟幫襯
今日megabox冇咩人行 好舒服呀 又多野買 happy~
Titi仲玩扭旦呢
由於小喬媽同佢 honey未出到嚟 接埋仔皇媽仲有時間
於是我地就入左大埔海濱公園玩bubble 小喬媽 下次一定同小喬再玩!!!
兩個小朋友玩得真開心 mami用新相機同佢地影靚靚兼試機
Titi's album
部新相機用超級好嘅價錢買架 用上嚟都唔錯
豬9同佢都係mami嘅寶貝 心肝寶貝 ^^
兩部各有特色 各有各靚 但當然單反機係靚d嘅
ti爸以後負責較光 我就負責影 哈哈 good fit~!!!
玩到咁上下 好開心呀 兩個小朋友識行一齊玩係唔同d
但titi唔該你唔好成日打人個頭呀 咁霸王架咩?
mami唔想你變霸王女呢 behave urself plz!!!
出返去攞車 oh xxyz!~~xscyyyzzz阿叔做咩抄我牌呀!!!!!!
附近冇停車場 冇街錶 唔阻街 咁多人泊 做咩要抄啫
咁大個公園唔比人揸車嚟玩咩 附近又冇泊車設施 ... 一連串咒罵
320蚊夠我買對ZarX boot比titi呀 唉 hurt爆.... 心情煩燥
titi喺咁叫bababa mami大聲話左佢幾句 之後個囡就嬲左我喇
見到小喬咯 仲有仔皇爸爸 小喬媽有餅餅呀
個個都衝過去 titi遠遠觀察冇即刻過去 囡呀囡
你唔通驚小喬媽係祈福黨咩 過去啦 執輸喇...
個衰囡觀察左一陣 終於慢慢過去 一句謝謝先敢攞
好快就天黑喇 再嚟一張福祿壽合照
mami好難明白titi嘅性格 一時對住陌生人好熱情
見過幾次嘅人 就反而好慢熱 anyway有得佢自然發展啦
始終每個bb成長 性格都唔同 再睇定d先教
依家最起碼要比佢有自信心 比到肯定佢就好夠喇
食完pizza 要下次見喇 各散東西前已plan好下次去邊
我地嘅聖誕party 一定好好玩呢!!! 期待啊
仔皇小喬 ee諗諗下 你地份手信不如做埋聖誕禮物啦 慳返筆嘛 ^^
titi喺婆婆度過夜 因為聽朝一早去馬鞍山搵老友桐桐同澄澄呢
沒有留言:
張貼留言