終於識講謝謝喇

十一月二日

十四個月至十五個月閒記

 

                 星期日 titi喺婆婆度呀 所以我地訓到九點 yeah

                       點知打去婆婆度 個衰豬訓到九點半呀

       平時喺屋企倒塌咁早就起身 喺阿婆度就訓就咁晏 衰野丫

         我地施施然同姑姐去左深水埗 姑姐話未食過劉森記喎

              所以就決定同佢出去食一次 點知出到去佢冇開舖呀

      於是就去左維記食豬潤牛米 同多士 好好味 難怪咁多人排隊

                   

                 飽飽就去荃灣接返個囡 titi見到我地冇咩反應咁

                哈哈 證明佢好enjoy佢嘅渡假生活 夠獨立 good!

                   第時睇怕有咩唔開心都離家出走去阿婆度咯

              接完titi就出返去銅鑼灣買大閘蟹 姑姐請客 好開心啊

                   拎住九大隻蟹 我地走左去CITY SUPER掃奶粉

                         仲買左好好味嘅魚餅 同薯條Share食

 

                          喺返屋企之前 我地仲去左公園玩

           呢排個衰妹好鐘意公園呀 老遠見到公園都想尖叫咁呀

                       韆鞦 搖搖凳 滑梯全部都係佢嘅至愛

               

              

             

            

            

            

           

           

                      仲玩到唔捨得走 一味要我地hide and seek

           仲興奮到跌落地幾次都唔喊 自己拿拿聲起身再玩過

                            如此爛玩 真係頂你唔順咯 囡...

 

                   晚餐係火鍋加大閘蟹 mami分得一隻公一隻乸

                       果然人地講得啱 九月食乸 十月食公

                   隻公係好味d架 mami希望今年再有一次蟹宴

                                       d蟹膏好味到丫....

 

                            titi最新學習成果

           好野 titi學識講謝謝喇 (十月尾)

     

                       每次要我地比野佢

     佢自己會好自覺咁講謝謝 個音都好正架

               另外學識筆一隻幾重嘅旦旦

        一路"筆"旦 一路識講"筆" 講"旦旦"

                           flash card方面 :

     另外mami見第一round動物 flash card

                   titi已經表現得好熟練

       所以開始教佢第二 round動物 flash card

              衰妹認到十六種喇 仲爭兩種...

             希望下星期可以學晒啦 加油 titi

                     十八種動物等緊你啊!!! ^^