十一月九日 天晴陰涼
十四個月至十五個月閒記
終於有機會見桐桐呢位可人兒喇 仲有可愛寶寶澄澄
一直都覺得blog友桐桐媽媽好好傾 加上澄澄媽話佢好玩得
所以決定要出去會下佢先 ^^ (澄澄媽本身係朋友嚟架)
我地相約喺馬鞍山等 去到先衝上茶樓飲茶先
桐桐媽好好呀 佢霸定位等我地到 我地第一次見面嘅地方就係映紅樓
飽飽lu 大家收拾好包袱就衝去公園玩咯
一去到公園 mami同桐桐媽要求 titi同桐桐拖手行
兩個互相對望就拖喇 哇 太開心喇!!! 呢次係titi第一次拖小朋友行街
mami等左呢樣野好耐喇 實在好興奮
之前睇書 (唔好介意喺度講d悶野...)
話小朋友肯同人拖手 代表去到進階社交禮儀
握手都係進階嘅社交禮儀 titi較早前都肯主動做喇 ^^
而社交禮儀初階係 hi bye 送吻...
所以mami一直好想佢同其他小朋友拖手行街 去玩
titi做到喇 仲拖左好耐tim 桐桐好野 titi好野 ^^
澄澄一家好似好悶咁 因澄澄嗰日成日訓覺
加上澄澄未識行 未能同titi桐桐去玩 搞到mami覺得唔好意思呀
下次搵個地方可以一齊玩嘅 好嗎?
睇返titi同桐桐 佢地玩得好開心
一時哈哈笑咁研究條繩 一時哇哇叫去追波
好呀 跑啦 喺草地跑啦 跌到都唔怕痛
有冇搞錯呀 第一次見就有密計傾???
玩到咁上下 佢地兩個見到playground 桐桐就衝左去
titi跟住都快步跟上 去到playground 佢地分開左玩
喺playground度 mami見到Baba同titi好親子呀
Baba叫一句: Titi 之後張開手示意要抱抱
titi諗都唔諗 : Baba 就跑過去...
呢一幕 mami覺得好sweet 好sweet呀 ^^
又比mami捉到Baba同Titi嘅親子moment喇
Titi...Where is Baba?
ah....!!! haha!!!
玩玩下 聽到有人叫 titi mami一望 噢 靚仔Bosco呀
呢個baby都係mami好想見嘅其中一個 咁都撞到呀
yeah 一於捉住佢地兩母子合照一張先 ^^
靚仔Bosco仲咩咁驚titi呀 係唔係佢有臭汗味呢 哈哈
見佢地唔痴埋玩 同Bosco媽傾左一陣就bye bye lu... ^^
佢地一家好開心呢 一睇就知兩公婆錫個仔錫到暈呀
淨係玩草皮同playground都兩個幾鐘 三家人都累屎咯
於是我地去埋白色露台影一陣相就走咯
桐桐同titi都係咁同人 bye bye 飛吻 講講幾廿次 笑屎人呀
星期日晚上在跑馬地渡過 都係食銖記...
但我發覺銖記d野差左好多 個翅一d味都冇 淡而油多...
所以我地飽飽之後 都係去晶晶買糖水 冧返晒 yeah ^^
沒有留言:
張貼留言