正式宣佈

七月二十九日

二十三個月至二十四個閒記

                                      全世界也安靜 為了聽我宣佈

                   阿ti喺二十三個月大成功地 完完全全地戒左片片喇!

                                  之前戒下停下戒下停下 冇咩恆心

                     喺去旅行之前 tima下定決心 返嚟要同阿ti戒左條片!!!

                         

               其實嫲嫲一直都同阿ti戒緊架喇 但tima返到屋企冇好好合作

                  照樣比阿ti疴片片 嘻嘻 太懶喇...所以搞到一直未成事

                       有鑑於就嚟返學 加上唔想浪費嫲嫲一番心血

                          旅行返嚟之後 就好有心機幫阿ti戒戒戒

                    由初初會濕少少片 到依家 連續七日條片都係乾架!

                  令tima最肯定佢成功戒到 係阿ti會忍"vv" 會忍"吾吾"lu

              佢話 : 媽媽 我要shu shu  (佢都識唔講"titi要"而改口做 "我要")

               有次喺車度 tima同佢講 : 依家未有洗手間呀 titi疴片片啦

                  點知佢一直冇shu 直至返到屋企 佢一支箭去洗手間

                             坐上麵飽超人小小廁所 shu左一大"篤"

                         

                  依家阿ti喺屋企同去街都冇著片咯 雖然試過喺街失守

                                   但喺街失守令佢更加學會忍!

                                    好咯 如果佢戒埋夜晚嗰條

                            就可以正式慳到片片呢一筆呢 嘻嘻!!!!!

                                                加油加油!!!!!

                希望阿ti返學第一日著多層防漏屁屁褲都唔會濕濕啦

                                       學校嬸嬸都要加油啊!!!

              

                       嚟緊下一round係準備阿ti喺兩歲生日禮物

                                  送一間好靚嘅公主房比佢啊!!!