♡ 楽しいhokkaido-Day Three-小樽古跡運河_魚市場 ♡

六月三十日

開始有d凍 同埋想落雨喇

 

♡ 楽しいhokkaido-Day Three-

   小樽古跡運河_魚市場 ♡

 

            

 

餵完海鷗 我地就去左北海道icon嘅小樽古跡運河喇 媽咪同我講 上次同嗲地嚟呢度係冬天 所以好浪漫架 而今次夏天嚟 就覺得冇咩特別 同冬天係完全唔同感覺呢

我好鐘意呢度呀 可能有條好長嘅走廊比我跑嚟跑去嘛 … 媽咪讚我喺度好聽話 叫我影相都冇托過手踭呀 嘻嘻 其實只要我心情靚 你叫我做咩都得啦 媽咪! 除左運河之外 我仲喺嗰度玩水呀 好多人都等住同呢個小小泉影相 (但我覺得似水龍頭多d  哈哈哈) 所以媽咪同姑姐都好唔好意思咁拉開我 …

       

                    

                    

      

      

     

     

               

                

     

                 

                 

                 

                 

                  

                 

                 

                 

                 

                 

                 

     

                 

                 

“高抄”咁影完小樽運河 我地沿住條河散步 嗲地喺度玩跳河 姑姐姑媽同媽媽玩”跳” 個個都喺度跳 我點可以輸蝕架 “嫲嫲 放我落地 我都要跳呀!!!” 可惜我跳得唔高 反而落地之後比媽咪有偷拍我嘅機會 真係激c我喇!!!

      

                  

     

               

               

     

時間過得真係快 我地喺度玩左一個鐘 係時候上返車 我地就醫肚喇 今日嘅lunch會喺小樽嘅魚市場度食
呢個魚市場同之前嗰個 “熊魚蟹”爭好遠呀 算係一個好細嘅魚市場
媽咪話好開心呀 冇諗過去到兩個魚市場 今次跟團都算唔錯 而今次喺呢個魚市場 我地見到09年嘅候選港姐tim 同報紙所講一樣 今年嘅質素真係"好"到嚇c人呀

     

而比較好少少嘅港姐 都算係同行嘅港姐師姐級胡杏兒喇 佢好高呀 個人應該都幾nice嘅 … 佢地都係喺魚市場度食飯呀 但我諗食嘅野同我地會唔同呢

我地今日食之前order嘅毛蟹 仲有團餐嘅北海道特產美味燒魚 同蟹腳shabu shabu 講開條魚 佢有名堂架 但我唔記得左 等我問下媽咪先 …

     

     

     

食飽飽 我地落左去一個小小商店度shopping 我第一次見到好靚嘅小小天使魚

             

媽咪仲喺嗰度發現左一部貼紙機 部機可以比你揀d日本特色公仔加埋你個名落去做sticker架 名嚟講可以揀英文韓文日文等等 嚟到日本 梗係揀日文啦 姑丈好醒目咁叫導遊幫我拼日文名 哈哈 原來我嘅日本名同英文名都好似架 真係唔講都知呢 多謝你呀 哥哥!