六月二十九日
朝早二十八度 傍晚十八度
♡ 楽しいhokkaido-Day Two-
kiroro 風雅日本高級料理_阿ti表演 ♡
要坐兩個鐘車程 好攰呀 所以我拿拿聲訓一陣先 張開眼就見到好靚嘅kiroro酒店喇! 呢間酒店大家都比一百分架 食同住都好好 一流呀 仲有佢嘅溫泉 shopping嘅地方都好周到!
到埗之後 導遊即刻介紹搵食嘅地方 我地連續兩晚都喺kiroro住 所以兩晚嘅晚餐都包左 唔好以為團餐唔好食 呢兩晚我地食嘅都係一級日本餐同法國餐呀!
上樓換左衫...媽咪仲有時間影埋今日戰利品tim 真係有效率!
之後就約埋去開餐喇 我地諗住去食高級食府~風雅 去到嗰度 哥哥話full左 要到八點先有得食 我地唯有去溫泉先啦
未浸溫泉 去左食雪糕 嘻嘻 係好好味嘅燒粟米味雪糕 間店好靚架 個屋頂係粉紅色嘅 好cartoon嘅感覺 媽咪叫嗲地影相 點知嗲地冇影個屋頂 返香港比媽咪"哦"左好耐 嘻嘻 ...
我冇跟去浸溫泉呀 唯有跟實嫲嫲啦 佢地話個溫泉唔錯 但媽咪完有d唔舒服呀 可能佢唔夠訓卦 所以第二日佢都冇去浸lu
浸完舒服 就去shopping 之後就去開餐喇!我地除左鞋 入左去 哇! 佢居然比左間好大嘅房我地呀 唔怪得話full左 原來佢想比間房我地 真係冇諗過呀!
於是我地癲嘅癲 傻嘅傻喺度玩 後尾有個著和服嘅姐姐嘅serve我地 個姐姐好好人 知我地喺度玩 由得我地喺房吵吵鬧鬧
睇我地癲完 不如睇下我地食咩 去片!
飽飽喇 我地冇去放煙花 留返聽日先放 今晚就決定返房 睇我表演唸唐詩! 哈哈 媽咪之前見桐桐姐姐唸唐詩好叻女 於是都教我唸 我學左喇 就唸比大家聽啦!
大家拍下手啦 唔該!!!
我都好想去下呢d房呀,你就好啦
回覆刪除[版主回覆07/13/2009 00:15:00]係呀 真係好開心 有間咁嘅房自己玩 可以喺度碌架
食飯間房真係好大間，自己一家人一間房，食得特別舒服。
回覆刪除[版主回覆07/13/2009 00:15:00]呢間野如果喺HK BOOK要最低消費幾千蚊架 我地公司之前去過D咁大嘅房 ^^
嘩，見到你地好開心呀！
回覆刪除睇見d美食仲吸引呀............好想去玩呀
[版主回覆07/13/2009 00:14:00]係呀 今次我地玩得好開心 所有野我都比一百分 ^^ 開心過我上次HONEY MOON
titi好叻呀!
回覆刪除[版主回覆07/13/2009 00:13:00]thanks 希望佢一路肯學
間房超大︿d野食...好似好好味..攪到人地都去日本丫.
回覆刪除[版主回覆07/13/2009 00:13:00]所以話今次食好住好 真係一百分架 冇收旅行社佣架 真係好好
ho sin mo ah
回覆刪除[版主回覆07/13/2009 00:12:00]really ah? ho sin mo? lei hui au chau tim la!!!!
titi 真係好鬼得意....見到佢真係好開心...
回覆刪除[版主回覆07/13/2009 00:11:00]哈哈 唔扭計就得意 下次錄個扭計比你睇 我驚你即刻炸我個blog呀 ^^ thanks
哈哈~!! TITI MA 個 "雞球思故鄉" 笑死我啦~!! 連桐桐爸坐係隔離聽到都偷笑~!!
回覆刪除[版主回覆07/13/2009 00:10:00]哈哈 真係好好笑呀 但佢地d "口音"先係最令人開心嘅野 ^^ 第日睇返 一流架
titi 個樣好累呢,是不是她成日頂眼訓啊
回覆刪除[版主回覆07/14/2009 20:55:00]去旅行到晚上唔多唔少都攰啦 嗰陣十點到架喇 所以佢一定係攰 但好開心 大家都唔捨得訓呀 ^^ 朝頭早好精神架 嘻嘻
Titi真係好攪笑~氹到啲大人個個暈陀陀~~
回覆刪除[版主回覆07/14/2009 20:55:00]佢有時自己講自己笑 我地都比佢搞到笑晒呀 ^^
拍左手喇 好SWEET 呀 !
回覆刪除[版主回覆07/16/2009 23:23:00]呢張要多謝姑丈呀 thanks