零九年七月一日
札榥Crazy sale第一天 發達喇!
♡ 楽しいhokkaido-Day Four-
狸小路大血拼_薄野不夜天 ♡
離開四季彩之丘 我地要坐好長嘅車程出返札榥 ”晒菠蘿”喇 呢三至四個鐘 我都訓覺豬 除左我之外 大家都訓晒覺 梗係啦 嚟到第四日 個個都攰到c下c下咯 司機叔叔 辛苦晒你喇!!!
繼上次血拼東京之後 媽咪今次仲勁呀 佢嚟到札榥都大出血呀!!!!
喺未出發之前 媽咪一早就查到日本公司喺今日 七月一日開始crazy sale而我地減價第一日嚟 唔洗驚d碼會斷呀!
今次媽咪嘅掃貨重點target依然係奶咀黑超b. Hysteric mini 同beams boy…果然 買左好多hyseteric野比我 …
當導遊哥哥擺低我地喺狸小路 嗲地媽咪就雞咁腳衝去搵hysteric mini喇 講起hysteric mini 媽咪中學時代已經比同學感染迷上左喇 嗰陣仲係咁讚d bb仔衫好可愛 到依家有左我 仲唔買嚟比我著 嘻嘻 我都幾鐘意hysteric bb架
為左唔好浪費嫲嫲姑姐姑媽姑丈嘅時間 (無理由叫人陪你買衫嘛) 嗲地媽咪同我地分開行 我跟住嫲嫲佢地呀 我都唔想阻住佢地”跑”呀 bye bye喇嗲地媽咪!
之後媽咪同我講返 話佢喺香港做嘅research果然無白費 佢地好快搵到hysteric喇 跑到上去 見到門口 媽咪發晒花癲 嚇親嗲地呀 全部貨品七折呀!!!! D衫都分晒碼比人揀 真係好多媽媽喺度搶呀 仲唔到除左香港媽媽 d日本媽媽都鐘意呢個牌子
最後媽咪買左兩件衫 (一件姑姐送 一件嫲嫲送) 一條裙 仲買左hysteric環保袋 好靚架 依家成日用 …仲有姑媽送嘅水壺 (唔重架 好好用)… 仲有其他key chain …去沙灘用嘅大毛巾 另外買左三pair型妹襪 全部都好靚 我好鐘意呀…全部都有七折 媽咪到依家都話 “抵到爛晒呀” 返到嚟佢開始後悔唔買多條毛巾 唔買多個水壺 唔買多pack襪 ….唉 媽咪d野唔係唔洗錢架!
佢之後仲衝左去beams boy買頭飾比我 都好靚架 返學都可以戴呢!
當媽咪join返我地嗰陣 佢覺得好唔好意思呀 因為我曳咯 我要姑媽姑姐佢地陪我食麥當勞 搞到佢地冇得行街…上次有公公陪我喺台場東京食麥當勞 今次姑媽姑丈姑姐嫲嫲陪我食札榥麥當勞 嘻嘻 我真係好鐘意麥當勞架! 而因為呢次麥當勞令我唔驚姑丈喇 我肯比佢抱抱呢…
媽咪見佢地冇行街 就同佢地走左轉toyko hands同parco… 之後大家都好似冇咩特別想買就走咯 臨上車前 佢地反而去左一間shop度掃馬油 哈哈 媽咪都買左一盒比我 都幾好用 我見嗲地依家都成鬼日偷嚟用架
今晚我地住東急excel 呀 呢間酒店比左個好開心嘅回憶我地呀 點解?
領隊哥哥鬼鬼崇崇同我地講今晚比double bed我地 媽咪初初同嗲地都話唔洗啦 幾日嚟訓單人床都ok 點知個領隊係咁建議我地要間房 仲叫我地唔好同人講…醒目嘅媽咪知道應該有筍野嘅 於是就接受左個offer
點知上到去房 哇 好大架按摩椅呀 啱晒勁攰嘅嗲地媽咪!!! 原來我地間房係upgrade房嚟架 多謝晒領隊哥哥嘅照顧… 我地未得閒玩就要落樓喇 去邊? 我地未食晚餐呢
今晚嘅晚餐去左薄野不夜天食拉麵 嗲地媽咪honey moon去過 d麵真係好食之餘 有好大塊叉燒同帶子…比佢地講多兩講 我都好肚餓喇 所以我都不停叫 “食麵麵…”
依家薄野不夜天分新舊街 我地喺舊街搵食就算喇 都唔去新街嗰邊 還掂個導遊哥哥話薄野不夜天間間舖攞過獎架啦 就隨緣揀一間啦…
我地揀好麵檔就開餐咯 我食媽咪同嗲地嗰兩碗 媽咪碗麵麵有牛油 特別好味架 而嗲地嗰碗就有帶子同叉燒 兩碗分別係味噌湯底 同豬骨湯底 yummy 我都食左一大個飯碗呀 嘻嘻 佢地有叫餃子 但就唔啱我嘅口味喇
食飽飽 我地努力去行便利店 呢晚係旅程最後一晚喇 所以媽咪好多野都想買去食 可惜個肚得一個 媽咪 下次再食啦… 喺便利店度我地買左杯麵返香港食 另外 仲買到嗰邊特定版嘅hagxxx daz雪糕 有媽咪至愛嘅焦糖味同姑姐至愛嘅白桃味呀 佢地買完返去就上左我地房玩按摩椅
初初大家都好緊張睇下張按摩椅有冇收費…之後嗲地同姑丈可以肯定係免費之後 大家都輪住嚟按摩喇 嘻嘻 呢四日嘅辛勞可以一次過嚟個大釋放lu !
沒有留言:
張貼留言