愛台灣 ☀ BENZ遊悲情城市-九份

 

愛台灣 ☀ BENZ遊悲情城市-九份

2010‧09‧28

 

好靚呀 雲好白 天好藍

呢d相係車度影 都可以咁靚

大家見到咁嘅天都精神晒

最衰喺車度 影唔到好wide嘅效果

但係咁樣睇都已經好靚喇

見到嘛?

九份其中一個景點 - 陰陽海

因為金屬物料流入海而形成兩種顏色架

e 做咩停左車嘅?

原來到左黃金瀑布 冇咩特別

反而對面嘅風景更加吸引呀!

司機問我地去唔去黃金神社 我地都放棄喇

因為大家都開始肚餓...

我到左九份就訓著左 佢地就去食牛肉麵 嬲呀!

媽咪話好好味呀 佢成個行程最鐘意就係呢碗牛肉麵

食物 : 九份牛肉麵

               星級 : ★★★★★★★★ (5粒★為滿分)

評語: 好多粒星星 真係好好味呀

價錢平 牛肉好入味 麵都好有咬口

一碗好麵!

 

一路上都有好多好吃嘅小食

食物 : 花生捲加雪糕

                        星級 : ★★★ (5粒★為滿分)

評語: 大家都話唔好食 媽咪話ok

可能係雪糕好淡味卦...

 

哈哈 就喺呢度喇 我人生第一對咯咯鞋

媽咪真係買左比我玩 著上腳仔咯咯聲架

好多手信可以買呀 但都係d無聊野嚟

佢地抱住我 都唔想揀呀!

當媽咪搵到阿柑姨芋圓店時 我都醒左喇!

食物 : 阿柑姨芋圓

                  星級 : ★★★★★ (5粒★為滿分)

評語: 好似湯圓切到細細粒  好煙煙un un

加埋少少糖水 同埋碎碎冰 good!

 

訓醒覺 特別精神呀 嘻嘻

我醒左 佢地就不停的吃了

食物 : 燒海螺

                         星級 : ★★ (5粒★為滿分)

評語: 好似唔太熟咁

 

食物 : 黑糖冬瓜茶

                       星級 : ★★★ (5粒★為滿分)

評語: 巧甜 味道都ok嘅

 

最後 嗲地買返牛肉麵比我上車食呀

好開心有得補返數 好好味呀

我地冇去食魚丸 因為佢地話上次食過一般喎

九份嚟講 食到牛肉麵就夠啦