愛台灣 ☀ 野柳地質公園

 

愛台灣 ☀ 野柳地質公園

2010‧09‧29

 

又係精彩嘅一天

佢地一早就捉我去食早餐

唉 又係麵飽 佢地食得好開心 我就唔鐘意

yeah 我返房 有大大枝多多等緊我

婆婆仲整杯麵比我食 錫晒婆婆

\

好喇 飽飽就出發

我地今日冒險自己去野柳呀

坐捷運到台北車站 之後轉國光客運 一程車就到野柳架喇

但記住野柳係中途站 要叫落架

到左野柳 一落車就見到便利店

媽咪見到"義美"呢兩個字 諗都唔諗就買嚟試

點知一食之下 佢話好好味呀!

thanks god! 今日天氣仍然好好

上星期台灣先打颱風 估唔到今個星期個天藍得要命

從九份開始到依家 個天都好靚呀!

到喇 見到我飲緊CC LEOMON嘛?

唔知點解喺外國嘅CC LEMON特別好飲 喺香港我地好少飲架

本來直衝去公園架

但係佢地話都係食左野先 於是就去左對面d酒家食午飯

總括嚟講 呢餐係唔好食嘅 所以連"星"級都唔比喇

蝦梅嘅 蜆唔熟嘅 ~_~ 好一餐海鮮餐

食完餐飯 就入場咯

入票都係平到暈

野柳地質公園嘅標記係"女皇頭"

未見到真嘅女皇頭 見到個bb女皇頭都興奮到不得了

好多風化現象 得意

以前成日喺書度睇 今日親身嚟到

媽咪好鐘意上面嗰張呀

野柳地質公園好多地方都冇圍欄 小朋友要拖實爸爸媽媽呀

唔好好似嗲地咁扮跳海呢

yeah! 見到女皇頭喇

靚就靚 但比想像中細個

好多人排隊影女皇頭架

我一行過去突然有d驚嗰個頭呀

所以行到好開 媽咪點叫我都唔行...哈哈