愛台灣 ☀ 到台中去

 

 

愛台灣 ☀ 到台中去

 

2010‧09‧25

 

好野 坐左個半鐘飛機 話咁快就到台灣喇!

今次我地enjoy到免簽證嘅待遇 每人慳唔少呀

 

thanks god again! 班機冇delay 行李都好快出晒嚟

 

趁佢地去換錢 我同媽咪周圍影相! 我副新超型哩 哈哈!

 

一切都順利得緊要 話咁快連巴士站頭都搵埋 兼買埋票 架車仲好快嚟到tim!

 

之前上網睇 話統聯客運有D難搵 但我地一出閘就見到喇 所以大家第日唔洗擔心 好易搵架咋!

我地用半個鐘入左境 攞埋行李 換埋錢上車咯

 

台灣好多野都係過120CM先要比錢架!

 

坐左二十分鐘車程 到左高鐵站 我地都係第一次坐鐵 票價都唔平架 如果桃園去台北 可以坐客運好過喇

 

高鐵車票可以喺COUNTER買 亦都有呢D售票處

留意啊! 座位有分自由座同對號座 對號座多25台幣 佢會幫你劃埋位 唔似自由座咁要自己搵位坐

 

見到嘛 我地係對號座 有SEAT NO架!

 

車嚟咯 整體表現有95分 真係開得好快架!

半個鐘嚟到台中 真係快到暈 大把時間 食個靚LUNCH先 我地嘅第一餐

食物 : 牛肉麵 + 冬瓜茶

星級 : ★★ (5粒★為滿分)

評語: 牛肉冇味 似肥牛咁 麵都OK爽口 湯好清

         冬瓜茶唔會好甜 但又太淡  

 

我食完麵麵都唔夠 仲同YEEE去買麵飽 哈哈 我食咁多野都唔肥嘅 (梗係啦 我日日都辦大事 好健康架!)

 

我地食麵飽 媽咪就去左高鐵站嚟7-11買野飲 途中見到關東煮

 

架高鐵模型幾靚架 可惜冇諗過買呢 哈哈哈!

 

婆婆同YEEE買左枝台灣多多比我 大枝過香港好多呀 好好味!

 

準時13:30 司機嚟同我地相認喇! 搬晒D行李上車

架車係老餅福士 七人車 都幾舒適 司機技術好好 大家都好想訓...

我到依家仲未興奮完 一邊開車一邊唱學校嘅金曲...

兩個鐘嘅車程去邊呢?

點解要嚟到台中咁遠呢?

唔通嗰度真係咁吸引 令我地坐咁遠車程都肯去...

下回再分解 SEE U!