愛台灣 ☀ 木柵動物園

 

愛台灣 ☀ 木柵動物園

2010‧09‧27

 

琴晚大家都訓得好好呀 一早起身享受酒店嘅美味早餐 雖然唔係自助餐 但好好味架!

 

跟住我地就搭捷運站到木柵動物園喇 之前喺長隆動物園玩得好開心 所以大家都好期待去呢個動物園呢! 夾埋呢個動物園 我去過兩個動物園喇 媽咪話好快帶埋我去日本嗰個動物園呢!

木柵線嘅捷運車箱特別靚 我地揀左車尾嚟坐

我今日帶埋dondon去動物園呀 佢話好開心喎

yeah! 果然總站就到喇

一出站就見到好多好靚嘅動物喇 好開心呢!

 

動物園門口有好多人喺度賣野 有帽啦 有扇...

喺門口影張相 就可以入去喇!

 

園內嘅設施都好好 有好靚嘅locker同bb車租借

 

ok喇 咩都準備好 我地沿住地圖開始行 第一站係"無尾熊館" 即係樹熊館咯 佢地幾隻都好懶惰 哈哈 好得意架

 

呢個動物園會噴水出嚟 令環境冇咁熱冇咁焗

 

之後行一陣 就到左panda館喇 行完一個圈 始終係海洋公園嗰個熊貓館靚d 乾淨d

門票平 但係商品唔平啊 都係睇下算咯 嘻嘻

媽咪最鐘意但又最驚嘅一個館 - 夜行館

嗰度有好多品種嘅貓頭鷹 同好多夜行動物 媽咪一邊睇一邊起雞皮 哈哈

 

跟住地圖行 行一條大斜路就到非洲區

我地見到羚半啦斑馬啦大笨象河馬啦...

哇 搞咩大灰狼變左隻狗狗咁嘅...

行到企鵝館都行左一大半咯

d企鵝好靚架 我地最鐘意係皇冠企鵝 好似圖畫嗰日咁架 好得意... 原來書書講得啱 佢地住喺好凍嘅地方 我地企喺出面都覺得凍呀!

最精彩嘅館都行晒喇 淨返d館冇入去 只係喺出面睇下就算咯

足足行左一大個圈 個個都攰到甩晒皮...一於出去食餐勁嘅

回程又見到架靚靚捷運喇...