Sad mood come

琴日迪b係咁郁 訓唔到呀 起身又怕吵醒迪爸 好辛苦咁托住條腰 望住好光好光既月亮

mami累了 bebe你可唔可以唔好郁 比我訓呀 我溫柔輕撫著你 但你依然係咁打我 踢我 救命~

好失落 好想咩都唔理 跳落個海度一路沈落去 咁就咩都唔洗諗

哇! 點解我會有咁既諗法 原來真係有sad mood架 唔得 我要好好控制佢 唔好再諗落去

究竟sad mood黎自咩呢? mami望條半夜三點既街道開始諗好多野......

唔~冇錯sad mood黎自以下總和:

食唔到 行唔到 訓都訓唔得好 迪爸過份緊張令我感到自己無能 無能力生迪b無能力照顧迪b

仲有腰痛 腳痛 水腫 分泌 醜樣 論盡 好多野閃出 mami傷心起來了 ......

乜陀bb唔係好開心好幸福既咩 點解我愈黎愈討厭陀住迪b你既

你好重 好曳 突然覺得迪b你成日同我作對 好憎你呀

你搞到迪爸緊張 佢緊張到成日鬧我 怪我連佢自己都唔自覺

很累了 你比我訓啦 可惜你愈踢愈大力 我真係想一野打落個肚度 係你迫我架!

諗到呢度mami更覺恐怖 自己開始啜泣了 噢 迪爸發現左tim

經過迪爸安慰之後 心情好多了 也沒想太多 好快訓得著

今日發覺冇晒sad mood 人也開心少許 但依家都係好眼訓 眼皮重 肚皮重

唔得今晚一定要訓得好 如果唔係我唔踩你呀 迪b.....

講笑o者 mami幾時都最錫迪b同迪爸架啦 仲有兩星期就三人行了 mami期待中

應該就黎啦!

繼琴日o係巴士肚子好痛之後 今日個肚都係扯住扯住咁痛

好驚呀 迪b終於有出世既先兆啦

諗番琴日0係巴士真係好痛 好似比人係咁拮住咁 好唔舒服 差d連落車都落唔到

mami開始好緊張啦 究竟我會見紅 之後施施然入院丫 一或係咁穿水即場就生

仲有呀 訓唔到覺 腳腫情況愈黎愈嚴重

好好好好好好驚呀

但係一諗到好快就見到迪迪b你 又好開心

開心擔心開心擔心

唉 mami就黎癲啦

mami可能唔係一個brave mami?!

終於等到o個種感覺啦 拮拮地到拮到痛 抽下抽下

我諗迪迪b 你就黎出世啦 好驚呀 話唔驚就假既

唔係驚痛 痛mami預左架啦 係驚入院前既"前奏" 會係見紅先 定穿水先

依家mami既心情好不安 有d想喊 我係唔係好冇用呢 迪迪b

但我答應過你 我會好堅強咁將迪迪b 你平安送到呢個世上

你都要幫我啊~

迪迪b你啊 好似我咁好ｏ吾好老皮 依家mami坐o係度 頂住左你o者

你就係咁用小手指打我肚皮 邊個教你架 冇d耐性

就黎見到你啦 屋企多個人 爸爸mami可能初初唔慣 我都驚有產後down mood呀

睇下 mami就係咁愈諗愈多野

突然想錫你頭仔TIM 你爸爸就好啦 依家可以錫你 (梗係隔住肚皮啦)  我呢......

暫時只可以摸摸肚皮 合埋眼 好好感覺迪迪B...... 你做緊咩呢?

^O^

mami累透了

mami同bb你巳踏入懷孕既後期 好辛苦 呢種辛苦巳早早蓋過就黎見到你既喜悅

首先迪b你晚晚都同我過唔去 我訓你就係咁郁 訓唔到

第二 食完野 個胃熱到想反想反

最慘既係第三 行得唔耐 累得交關 突然間好似婆咁呀

都未計我個樣好醜樣 好sad

我好期待你快d出黎錫番mami呀 迪b你第日會唔會好似爸爸咁錫mami架

依家你爸爸煮緊早餐比我食 ^^  而我就上緊網買衫衫比你 全部都係我最鐘意既minnie呀

唔知你會唔會鐘意呢 一或你會鐘意hello kitty?

我地真係好錫你 ~0~

呵呵 原來係囡囡

呵呵 七月三日 迪迪be你終於露出真身

在你公公婆婆陪同下 我地第三次做3D checking啦

doctor在o係我係咁煩住之下 好清楚 show左小迪既器官 原來迪be你係......

<<<<<<<<<<<囡囡黎既!>>>>>>>>>>>>>>>

知道左之後我好開心 打比你爸爸 佢好似好唔慣你係女仔咁 可能一開始你成日郁佢覺得係男仔

慢慢佢都接受左lu 而大家都好開心知道你既終極身份

I have a baby girl in my life, so blessing!

以後我可以幫你扮靚靚 同你行街街 好開心呀!

你個名我都諗好

談諾兒 TiTi

如無意外都係呢個架啦

We love u TiTi~

Ps: TiTi 全名係nefertiti 係一個埃及最美偉大既皇后  我同你爸爸去埃及時見到佢既雕塑

覺得佢好靚好威水有名有利 o個時我望住TiTi 銅像  心想如果有一個囡囡

我會叫佢做 TITI ~

 

又有假期

又有假期 星期四晚餐有談慧慧同我地食soho之後 星期5就去左九龍灣攞番架驗車 再去太古買小迪既

奶瓶消毒器 仲有好好味既sushi冷麷餐 之後正式一連四日假期lu 好開心 因為呢排個人好累

星期六同媽媽爸爸去九龍城食仙岩食餐 好大雨呀 行左一陣再去探剛出院既爺爺 佢都精神 好彩~

之後勁啦 我地join埋我皇妹同皇聰仲有琴姐梁生一起去元朗食九大"鬼" 第一次食到豬油撈飯 好開心呀!

星期日同lo去搵媽媽爸爸返荃灣 煮飯仔 今日好累呀 唔想多郁 o係架車度係咁訓 嘻嘻 比lo發我老皮

今日突然覺原來男人唔識安撫女人 我真係好辛苦 但佢地總係覺得我講大話 ~ 唉 算啦 仲有個多月

加油呀 迪迪bee 同mami努力!

星期一應係跑馬休息日 而星期二 我會同爸媽去瑪麗照3D呀 迪迪be 到時見啦

love u ~