回顧零七年冇去旅行 冇轉工 冇加人工 
最特別 最難忘嘅野 大家都知 就係生左小titi呢個小窩心怪出嚟咯
從未試過咁醜樣嘅懷孕樣 但心是幸福的
titi一出世有八磅? 睇下mami個肚就知佢唔野少啦
4D titi喺mami肚裡面
剛出世嘅titi
titi&一個月旦糕合照
titi&兩個月旦糕合照
titi & 三個月旦糕合照
titi & 四個月旦糕合照
零八年 daddy同mami會keep住努力賺錢 keep住準時收工陪你
零八年我地會keep住比最好嘅野你 一切以你為先
同樣地 titi妳都要答應我地幾樣野啊
1. 零七年一直健康嘅titi 零八年也要無病無痛
2. 零八年要學識自己食mum mum
3. 零八年要識行路 (mami期待你嘅第一步哩 )
4. 零八年要叫一聲媽媽 (可以唔叫爸爸)
5. 零八年要聽話聽教
daddy同mami今年幸運有了你 明年daddy mami覺得榮幸看著你一天一天的成長
應該用Titi love mami since 2007 哈哈 唔改啦
我們家的小諾兒滿左四個月 邁第五個月lu
祝健康快樂 開心歡笑常在
因為驚今晚出面人多車多 (個個去倒數嘛)
所以"一月一度"嘅 monthy party提前左喺尋晚舉行
尋晚告別alvin媽同小喬媽之後 就去婆婆屋企lu
我地就打邊邊慶祝 打完邊邊 就梗係有小旦糕比titi啦
今次mami買左一個 " for my baby girl"嘅特式旦糕比妳啊! 睇下......
旦糕上又有Titi嗰名呀 四個月快樂啊!
同以往一樣 同旦糕影返張先
titi尋日件戰衣就係喺元朗嗰間筍野度買嘅日本衫仔呀
無論前面同後都好型女架 mami最鐘意d 型look嘅baby titi第一次扮型女呀
得唔得呀? 比d意見丫!
型女ti出塲
以前冇諗過寫寫下blog會有朋友仔 今日終於約左可愛嘅blogger出嚟啦
佢地就係小喬媽媽同仔皇媽媽啦
今日係第一次見到佢地 直接同佢地傾計 勁開心哩
仲要見到三個差唔多大嘅baby喺一齊 個感覺好得意 更加覺得自己大個左
我地去食tea呀 食下傾下 好快就兩個幾鐘 傾d咩? 唔洗問都知係媽媽經啦
今日呢個約會我期待左好耐 多謝仔皇媽同小喬媽媽出席約會哩
依家 我再期待新年嘅約會 希望新年快d到啦 !
三個baby都差唔多大架
titi媽媽&titi 小喬媽媽&小喬 仔皇媽媽&alvin仔皇
小喬喊緊嘅時候 兩個baby已開始嘗試認識對方
兩位靚媽媽 titi很期待下次約會哩
祝大家生活愉快 開開心心
小喬要快d好番啊 唔好令媽媽擔心 !
琴日我地兩公婆去完街 titi不滿我地冇帶佢去 返去ti嫲度接佢
佢居然唔彩我地喎!!!平時我同ti爸一叫佢 佢多數都同我地笑一笑
但尋晚係咁叫佢 佢扁扁嘴然後擰"咩"臉 哈 我同ti爸嗰陣都未信titi會嬲人
今日我真係信同埋肯定三個月多嘅小ti係識嬲人架!
話說今日一家去將軍澳行街 行到有d累呀 上到車 titi無啦啦大喊
仲愈喊愈過份 唔肯收聲 mami好惡咁望住佢 (titi都望住我架嗰陣)
大聲鬧左佢一句 : 喊咩呀 你好曳呀 (注意 我從未試過咁惡話佢架)
佢停一停 望住我 之後嘴仔一扁 頭側另一邊 飲泣起來
(注意 係飲泣 唔再大喊啦)
之後? 佢全日唔理我呀 好傷心 到依家佢都當我冇到
mami心情好沮喪 相都唔想upload上來啊
呀 但係想提醒各位mama 某品牌嘅片片送贈品呀
Mama Tips嚟啦!!!
1. 兩包好動寶寶片片送
"費雪牌"布書書 價值六十九蚊
仲唔同公仔架 大家去搶啦喂!
2. 吉吉島大減價 baby部八折呀
呢件係我其中掃到嘅 titi唔知食唔食呢?
是日精選照片 溫馨母女照片一張
好耐好耐之前 mami已經想去動植物公園探下隻老虎架啦
但可惜前排d人話禽流感 唔敢去 今日見天氣清爽 唔熱又唔凍
就同Tai kaka 奶奶 ti爸向動植物公園進發lu
未去之前 終於去食左慧慧小姐話好好味嘅勝香園檸檬蜜糖脆脆
唔 真係好好味呀 但我地食到一車都係 返去要清潔一番 唉~
泊左車喺禮賓府側邊 行一條小斜路 好快就見到動植物公園啦 好野
動植物公園有雀仔 猩猩 仲有美洲老虎啊 
動植物公園居然有聖誕裝飾喎
本來行完動植物公園 想去埋香港公園 但後來諗諗下都係上山頂
後來......嘻嘻 真係上左山頂咯 順便影埋山頂許願樹先
未睇風景 titi已經咁樣 ↓
去到風景區? 梗係訓左啦
唯有下次再影過啦 返屋企去也!
是日精選照片 mami好鐘意件衫仔哩 
