十月二十九日
二十五個月至二十六個月閒記
Enjoy完Parade 我地就排隊同halloween公仔影相
每part都排半個鐘呀 d人唔係去晒排鬼屋架咩
搞咩仲咁多人排公仔架?
隻衰狗goofy搞搞震 好彩阿ti冇喊啫
睇下佢幾衰 整完阿ti喺度yeah晒手 哈哈 曳!!!!!
排minnie嘅時候 個個都讚阿ti呀 話佢套衫好似minnie嗰套
有d姐姐仲偷影阿ti Tima好開心呀 有人欣賞呢個配撘
呢套巫婆look喺接阿ti放學前喺H&M買架
條裙同對鞋都係 H&M買 勁靚 可以襯其他野再著返都得
特別對鞋係Tima嘅至愛 一見到就買喇
之後就同阿ti新寵Don Don同Daisy合照
最多人排唔係mickey minnie 而係佢地呀!!!!
比阿chip同阿dal又攬又錫
佢地兩隻肥大嘅身軀又遮住左我地
阿ti見唔到我地 終於忍唔住.....
喊左喇.....
有d人會等小朋友喊完先影 但Tima反而鐘意呢種 "真實"
第日睇返d相先記得 原來有隻臭豬咁驚驚.....
排隊等公仔嗰陣 等睇parade嗰陣 小小巫婆都施法啦
佢施法令所有人都望住佢 仲吸引到"龍友" 真係搞鬼
古靈精怪嘅小小女巫
呢個揸掃巴樣好似四歲咁 真係老積妹呀
Tima話掃巴可以用嚟飛架
阿ti望一望 : 掃巴係掃地架 唔係飛 "唔去"到旅行架
Tima再問 : 咁去旅行要撘咩架?
阿ti諗都唔洗諗 : 撘國泰飛機咯....飛!!!!
噢 阿囡淨係坐過國泰 所以覺得飛機同國泰係同一樣野
c晒火
Tiba教佢攞掃巴講 "嘛哩嘛哩空"
拿 見到嗲精一號喇 成鬼日痴實Tiba
直情當我呢個阿媽唔存在架!!!!
臨個天未係好黑 周圍影下d佈置先
阿ti仲未開始話攰 你睇迪迪尼嘅魔力幾大呢
去下洗手間 食下野 個天dum一聲就黑晒
真真正正進入黑色世界lu.....
從前 喺公海度 有對父女遇上大八爪魚
兩父女準備沉喇 沉喇 沉喇.....
..............
.......... 沉左lu ..........
小巫婆被好心人救起 帶返去古堡 哈哈
坐埋皇后個皇位!!!!
哈哈 故事講到呢度
係時候玩下黃昏木馬 今次由tiba陪阿ti玩
各位觀眾 黑色世界嚟喇
有請鬼王阿Jack!!!!!!!!!!!
由繁榮五光十色大街 開始變喇 變喇 變......
變左黑色大街咯
好多阿Jack掛喺樹度 巧恐佈呀 嘻嘻!
阿ti聽見鬼鬼就好緊張喇 c都捉住爸爸
嚟喇 嚟喇! 鬼王嚟喇!
玩到呢度 好攰喇 希望下年再見喇 bi~~~
