五月三十日 天氣好好啊
二十個月至二十一個月閒記
二十一個月小沙龍 @ Lavender Garden
一早都估到天氣會熱 所以四點半先去Lavender Garden
果然 去到Lavender Garden仲feel到有餘"熱"呀
上次阿ti去到一舊號飯 今次去到識好多野
好似今次一見到人餵羊羊就大叫 "titi餵羊羊"
tima問阿ti 羊羊食咩架? 阿ti諗都唔諗 " 羊羊食草草"
tima都未話唔買 阿ti就話 "羊羊餓餓"
哈哈 既然阿囡講到羊生羊太咁餓 唯有用5蚊買草去餵羊啦
呵呵 唔知點解 初初tima都好驚餵羊 ~_~
所以最初由公公陪阿ti餵
阿ti係咁話 " titi唔餵...唔要..." 但阿公係咁要佢餵
呢個時候 另一邊箱 tima鼓起勇氣去餵喇
見唔見到呢 tima餵左幾條草仔 唔驚嘅時候
即刻扮晒野同阿ti講唔驚架 好好玩
仲鼓勵阿ti自己去餵tim
終於 阿ti踏出人生第一步
問tima攞草草去餵羊羊呀!!!!!!
以二十一個月嚟講係一個新突破呢
試過唔驚 臭豬仲囂張到叫 "羊羊出(卒)嚟!!!"
tima看在眼裡 愈嚟愈鐘意識講野嘅阿ti
覺得一日比一日溝通到 好開心呀
餵完羊羊 我地衝左去Lavendder Garden
希望七月喺北海道影到更加多靚相啦
跟住呢d相 好有post card feel呀
阿ti 你又大一個月喇 mami每個月都會同你去影靚靚呢
