十二個月至十三個月閒記
titi最鐘意同嫲嫲飲茶
titi最鐘意去百佳坐購車
仲有就係坐冒險樂園嘅"宇宙飛船"
點解咁鐘意? 因為個屁屁位good fit嘛
一坐落去好似自己control晒所有野咁 細路都覺得爽啦
每次行過都要嫲嫲入錢錢玩 有時高興起上嚟仲企喺度tim
mami落樓下等爸爸收工 titi都要玩 一次四蚊雞
唉 mami都係整張冒險樂園嘅會員證先咯 好似半價呀
每日儲四蚊 一星期儲三十二蚊 .... titi喺你零用錢度扣啦
拿 有 video為證喇 titi玩到企喺度 唔好睇佢似唔興奮...
其實嗰陣佢玩緊第四次喇 (所以唔興奮lu) 公公婆婆寵壞佢咯 ~_~
玩完飛船 例必行埋樓下生果園 titi最鐘意d strawberry呀
除左士多啤梨之外 仲有奇異果 橙 西瓜櫈 影相好靚靚架
大家可以同bb嚟玩完飛 再去埋生果園影相
嚟到記得打比我喎 一齊玩嘛
Titi會喺Titi's resort 度招呼大家嘅 ^^
十二個月至十三個月閒記
yee ee同聰少會喺下年十一月結婚
未結婚之前 佢地都先置業築愛巢呢
而佢地嘅新屋望住成個海架 好靚靚 仲要近住titi婆婆tim
較早之前終於收左樓 今日我地就衝左去佢地會所玩喇
一去到會所 發覺個兒童遊樂塲冇咩人呀 好似我地玩晒咁
titi咩都有玩呀 仲玩到high左 後尾有d哥哥姐姐玩耍盲雞
我地都係避開佢地好d 一陣撞到就唔好啦 ^^
下個星期要去多次yee e個會所游水先 個泳池好靚呀
離開會所 就去左mega box呀 睇下有冇halloween嘅扮野衫賣
好期待倩渝媽下次搞嘅halloween gathering呀 titi扮咩好呢
可惜d扮野衫得大人size 之前行左福榮街都唔見有
唯有再努力搵啦 ^^ yee ee同聰少就睇傢俬 好sweet呢
titi今日全程要yee ee抱呀 好似好friend咁 仲係咁錫yee ee
搞到聰少食好多檸檬呀 titi有幾次連爸爸 媽媽 婆婆都唔要
滿口都係 " yee e...yee e" 搞到yee e好開心啫
我地今日喺婆婆度食埋晚餐先走
呢幾日titi喺婆婆度渡假 學識左搖頭表示唔要呀
例如問 媽媽抱好唔好呀? titi就搖頭 抱住ee條頸
或者比d野titi食 佢會勁搖頭 示意唔想食
問佢婆婆走喇好唔好 titi再擰頭 示意唔好
佢真係大個左好多 有情緒 有性格喇....
十二個月至十三個月
大世界遊記之日本五天遊
報團行程篇
好野 終於confirm假期 七個人齊齊報團喇
出發日期 : 27-11-2008 (星期四)
回程日期 : 01-12-2008 (星期一)
人數 : Wong's family 7 成員
Titi公公 婆婆 Tiba Tima Titi Yee ee加聰少
行程 :
Day one : 成田機場 >>> 彩虹橋>>> 台場Palette Town ~ Venus Fort購物mall
21世紀豐田車會館
Day two : Hello kitty land >>> 多摩購物城 ~ 御殿城 Premium outlet
>>> 箱根小涌園溫泉樂園
Day Three : 河口湖 >>> 富士山 >>> 東京後樂園遊園地 ( 東京巨旦動感樂園 )
>>> La Qua溫泉購物大樓 >>> 新宿地下街 >>> 電器街
>>> 24小時名牌精品discount大樓 >>> 歌舞伎町
Day four : Tokyo disneyland
Day five : 淺草雷觀音寺 >>> 仲見世商店街 >>> 銀座 >>> 成田機場回港
之前一直諗好耐跟旅行團定自遊行呢? 最後都係跟團好d
~ 唔洗帶車車 有公公 有聰少 有爸爸抱 唔洗車車 行完上返旅遊車就搞掂
~ 有人plan好晒d野唔洗煩 平日冇bb自遊行都好多野搞 titi去埋仲煩
~ 就算自遊行都係想去呢d地方 (爭麵飽超人館冇得去 但唔緊要 下次咯)
~ 有領隊揸機影相 (呢個point好緊要架)
~ 去一日行程唔洗拎好多野
(d野可以擺喺旅行車 反而自遊行要攞一日嘅奶粉同水)
依家淨係攞少少野 或者唔洗攞tim呀
~ titi可以喺旅遊車訓覺 唔洗我地搵撘咩車嗰陣訓
~ 冇咁辛苦 有車接送
嘻嘻 我諗都係跟旅行團方便d 舒服d
於是今日就confirm去報咯 七個人都成"硬"團呢
titi今次旅費都係一千蚊咋 好抵好抵 mami想下年同佢去多次旅行呢
佢依家咁貪玩 到時一定好開心啫 好好好期待呀
我成日幻想佢自己咩住個背囊排隊上機 好可愛架
titi今日報團都好開心 唔通佢都係未出發先興奮?
mami買定一套靚和服比titi 到時去到要幫titi影一輯靚靚溫泉相呢 ^^
仲有靚靚hello kitty屋相 仲有仲有靚靚東京迪迪尼相呢
好多好多呢 mami要好好plan下先....
十二個月至十三個月閒記
" titi就嚟識行喇 "呢句話mami講左好多次
唔通人地講得啱 小朋友一歲唔識行就行一歲三個月
雖然話愈遲識行愈好 (迷信嗰d野) 但我好想佢快d識行呀
衰囡依家未識行 周圍扶住野走 mami好驚佢趴抵 保佢大喇
有見及此 mami收工返到屋企 第一時間擺佢落網床
titi喺裡面會行嚟行去 好開心 就算跌底都唔痛
*** 但媽媽留意啊 網床唔可以貼牆擺架 小朋友唔會跌向道牆嘛
衰豬通常行半個鐘就悶 呢個時候mami就倒波波落去
titi就可以玩多半個鐘 哈哈 整整一個鐘 mami可以做家務
洗完衫 抹完地...就抱返titi出嚟 同佢唱歌歌 睇圖書
一星期教佢講一樣野 今個星期講到婆婆喇 婆婆好開心
一問婆婆呢? 佢就指住婆婆嗲聲嗲氣 : 婆婆 哈哈 心甜啊
網床係我最大嘅恩物 有左佢唔驚titi跌親
佢都好放心喺裡面學行 至於walker 有用 但唔放心行開咯 ^^
十二個月至十三個月閒記
維利奥放送
談家豬近排迷上士多啤梨呀 mami會削晒d核 再切細細粒比titi食
慢慢地 吸引到佢自己用叉嚟食野 仲有呀 喺士多啤梨嘅引誘下
叫佢做咩 佢都會做架 第日去做interview一定要用食呢招先得
哈哈 titi咁鐘意食 mami要比多d心機整多d野比你食先....
ps : titi仲會話你知好味應該點表達呢 ^^
titi件衫衫都係士多啤梨妹妹呢
Strawberry part I
Strawberry part II
Mami終於影到titi玩配對game喇 依家titi識分到圓形同方形
仲可以成功擺佢入去 之後有時會得意洋洋拍手 好搞笑
今次個video仲拍到佢清晰講 hi bye mama baba 姐姐.....
開speaker聽啊 ^^
諾兒學習形狀配對
十二個月至十三個月閒記
又有媽媽雞打榮喇 好榮幸被小豬媽邀請出席
今次嘅目的地係police club 2109中午有二十六個花瑪利出席呢
我地join埋仔皇就出發lu 仔皇一見到titi就尖叫 嚇到titi喊 笑c我呀
做乜鬼titi咁細膽架 少少野就喊 仔皇咋嘛 唔洗驚喎 ^^
去到police club啦 ti爸等左好耐車位先join到我地
而我地就直衝去綠茵吧 睇下見到邊個靚媽媽先
哇 好多人都到左喇 仲有好多野食tim 今次小豬媽搞得好成功
大家都玩得好開心 仲有抽獎環節 肥仔同仔皇都抽中 so happy
喺呢度要多謝小豬媽呀 辛苦晒你呀 期待嚟緊halloween party!!!
仔皇踮起腳要爸爸 唔通titi嚇親佢?
mami嗰日好眼訓呀 個樣好醜怪
嘻嘻 我有一仔一女 (講笑咋) 肥仔同titi
仔皇 titi 倩渝
野 同倩渝媽撞衫呢 ^^
桐桐靚女契媽
仔皇媽 tima sa姨
yeah 終於見到靚女貝兒同貝兒媽喇
titi好悶咩 有兩個靚女喺隔離 斯文d啦 (晴晴同貝兒)
晴晴螞 你話架 下次再傾過 嘻嘻
又再見到妙齡少女 鑫鑫媽媽 ^^ 仔皇爸爸變左攝石人 哈哈
肥仔媽媽 tima 仔皇媽
肥仔媽 tima 仔皇媽 桐桐媽
鑫鑫同titi
點解個個張大合照都影唔到我 ? 梗係啦 人地排晒位
我仲喺度玩 d爸爸都就位 我唯有企喺最開邊呀 嘻嘻
有相為證 ^^
趁大家食緊野 我同titi出左去露台影相 透下氣
完左自助餐 我地就落左去草地玩 可惜playroom冇開丫
唯有靠仔皇媽下次再帶我地去咯 好似話好好玩嘛
見個個小朋友都喺草地跑嚟跑去 titi淨係識企喺度
唔緊要啦 曬下太陽 吸收下維他命D都好呀
正當我地吸收緊維他命 有位叔叔話唔可以踐踏草地
噢 玩完 連草地都冇得玩 哈哈 唯有同咁多位媽媽講再見
下次有機會再玩過喇 萬聖節見咯 yeah
多謝晒 倩渝媽送比titi嘅生日禮物 我地好鐘意呀
諗諗下我都冇送野比倩渝 好唔好意思呢
