終於左今日啦 陀住小b都有十個月 今日係時候黎個解決啦喂!
八月三十日早上九點
bb ,今日爸爸同mami一早就到左瑪麗報到啦 老實講丫 mami有d擔心啊 話晒人人都話生仔好痛
同埋唔知我最後係順產定係開刀嘛 仲有唔知洗唔洗催生呢 好多未知既野
整好入院手續啦 mami換上粉虹色既戰袍 安心待產
mami房既靚靚海景
yeah 就黎見小ti (仲未識死既mami
好快就有医生黎同我講我既情況最好都係要催生 (話晒我陀左41weeks) 我都好贊同
於是佢地第一件事同我塞藥 (其實都幾痛 因為係用人手塞) 塞完藥好快就黎料lu
開始有陣痛 医生話如果今日可以痛到入產房就可以唔洗催生 但呢d野唔到我話事嘛 阿b唔出黎我都無計
到左夜晚陣痛都依然冇加多 即係話聽日我會準傋入產房催生......
八月三十一日
8:00am
唔知點解我有預感小b會同我同一日生日 但係如果真既話 咁我就會痛十六個鐘?
好緊張 入產房之前先捱一粒所謂既"豆" 都ok痛架 粒"豆"會用黎吊三包抗生素 鹽水 催生藥
就係呢粒”豆”啦 枝針好長架！
仲好精神既我！( 未識死!)
綠袍ti爸係今次mami既戰友
換好紫色戰袍就入產房啦 入去冇幾耐就有兩個助產士入黎整左一輪流 就見到爸爸著住綠色既戰袍入黎
10:00am
催生藥落左 亦都開始生效 陣痛強左好多 但都仲可以忍受 好似平日m黎既感覺 拿住拿住
12:00pm
好痛呀 開始要用"笑氣"頂住 身邊既爸爸開始緊張起黎 (可能開始見到我個慘樣卦)
16:00pm
哈哈 好似咁快就四個鐘 你就想啦 呢四個鐘過得好辛苦 好辛苦 到左四點我已經冇力
仲安慰自己 好快痛完 原來唔係 依家四點開始先係我生產過程既高潮 (嗰陣以為係 白痴)
生過既人都知 生bb如果bb喺一個好位 頭喺底 腳喺上面 仲要臉仔向背隻喎 bb喺好位 媽媽好好生
可惜阿b爭少少 佢個美人肩靠右左少少 (唔知大家記唔記得我話過阿b唔鐘意我訓右邊呢)
咁就大件事啦 我既子宮頸位開得好慢 六個鐘先得個四度 痛得咁辛苦先得四度? 知道之後我想發癲
咁幾時先開到十度呀.....
18:00pm
爸爸由早餐到依家都未食過野呀 但佢先mami咁辛苦 都冇諗過走開 全程比個"笑氣" 我頂住
但我開始唔用"笑氣" 我覺得一d用都冇 但唔知點解d媽媽話好好用
依家既我開始痛到癲癲地 陣痛開始密到我透唔到氣去迎接 我知Ti爸應該比我嚇呆左
但我已經理唔到佢 合埋眼去對付一個接一個既陣痛
20.00pm
我已絕望了 我既子宮頸仲未開到八度 但第二產程已經開始 之前人地講咩第二產程好痛
點樣點樣 我嗰陣心諗 邊分到丫 原來係分到 因為真係十級痛
突然之間 我同ti爸講左一句好真心既說話: 你殺死我啦! 我唔想再痛
其實我都好忍到痛既人黎 但真係頂唔順嗰種急便便 急到十級痛既感覺
沮喪既我突然聽到更驚嚇既消息 医生話催生唔可以過十一點 如果十一點仲開唔到十度就唔比我自己生
下? 玩咩 痛十幾粒鐘仲開刀咁傷 我唔要開刀呀! 小ti幫下mami ......
22:30pm
喺度我要多謝瑪麗既石医生同埋黎助產士 我既情況嗰日算emergency case 所以有医生最後同我生
十點半石医生入黎 幫我人手整大個子宮頸位 勁痛 但佢係咁唔好意思 同埋話係幫我 我無力應
左一句 "唔緊要 唔該晒" 忙左一排 大約十一點半 終於有九度啦 佢地唔再等十度 同我試下生
我望一望個鐘 衰b丫 唔通真係想同我同一日生日?
23:45pm
肯定小ti同我同一日生日 十一點幾 医生終於拉底盞燈 準備同我接生啦
反而依家唔痛啦 可能都開到十度咯 医生同助產士好努力教我push 其實我都有上過產前運動
知點樣push既 集合各人功力 我成功"咇"左小ti既頭髮比佢地睇 之後石医生即刻建議用吸盤吸小ti
我成頭汗咁點頭 石医生手起刀落一隻手塞個吸盤入黎 oh 原來放吸盤都幾痛
放完之後我更有力量 (加上佢地嚇我再唔生出黎小ti會冇氣)
push左一下 佢地吸到頭仔 之後變聲慘叫 (唔痛 但好自然變聲 都幾恐佈) push 埋小ti既膊頭
00: (TIBA生日嘅數字九月xx日)am
個肚突然一輕 哈哈 小ti隻腳仔都出埋黎啦 佢地即刻擺血淋淋小ti上黎
助產士抱開佢遠d 但佢已經眼仔碌碌望住我 之後全產房既啦啦隊員都話佢同我好似樣呀!
我無力講左一句 : happy birthday! I love you
生完之後仲有甜品 就係縫針 哇 原來人地都冇講大話 都好甘架 好彩石医生好人同我打左枝止痛
同埋佢手勢好好
整好晒d野之後 我就終於過床 休息lu......
見家長 型爆 呵呵~
我地就去太古買一個小小櫃啦
好fit 好好用 啱啱"攝"喺bb床隔籬吆 以擺晒小b既衫仔呀 日常用品 
擺左都唔覺 有四格 頭一格細d 後兩再格大d 最後嗰最大 
