以前 titi已經好鐘意望實個拳頭 然後就好肉緊咁 想擺落口
話雖如此 mami未見佢成功食過 (拳頭淨係喺口邊擦過) 所以一直冇理過
但依家衰b終於做到啦 佢可以成功啜呀 咬呀 "lam"個拳頭(拳頭上發現口水)
都唔知應唔應該讚佢叻 始終食手手係壞習慣嘛
所以依家每次佢放手入口 我就拍一拍佢隻手
初初佢冇理我架 照樣keep住食 我keep住拍
慢慢佢就get到原來mami唔鐘意佢食手手
依家佢食手手既習慣改為.........
有人抱住唔食 冇人抱住? 就好似下面d相咁......肉緊狂食呀 吹脹
你睇工人褲臭b幾肉緊 條脷仔係咁"lam"緊啦
咬緊加"lam"緊
(mami已經見到有好多口水 好dirty呀 小ti)
大咬再狂扯條工人褲
ti爸抱住唔敢食手手 (臭bb!)
呢個video影到佢傻婆既一面 佢嗰陣又想食手 又想抱 又想喊
個表情好似好迷惘 思緒好亂咁 好有趣
哈哈 我聽到佢喊咁耐都唔抱 係咪好狠心哩
其實mami係想影低佢詐喊想喊個嬌嬌樣啫 (唔係淨係影笑卦)
mami今日好燥呀 容許我喺度發洩下
mami既工作係"財富管理" 話明管理d財富 好多時mami都要理埋d不知所謂既野
1. 成日突然有人衝入嚟我嗰度問:今日大額存款幾多呀?
大佬 通常我喺個位度係匿埋寫blog 睇下股票 睇下新聞 訂下bb衫
d人一野衝去我工作崗位 我close都close唔切個window 唉 好煩呢!
仲要衝入嚟問 有冇禮貌架 去counter度問啦 大額!
mami多數係 : 幾多錢呀?
息魔 A: 一百萬呀! (好招積咁既樣)
mami毫不客氣: 美金呀? (大佬 冇一千萬都唔好走過嚟啦 扮晒野 一百萬好多咩)
然後mami隨口: 兩厘七丫
息魔A :咁少?人地XX銀行四厘喎
mami望番個電腦 : 咁你可以比較下先咯
2. 明明mami係marketing既人 點解成日要做operation既野呢
做都唔緊要 態度可唔可以好少少呀
3. 死人公司戶口d人串到嘔 咁叻咁巴閉去private banking度開囉
4. 嗰d commission咁x耐先比 爭我好多錢呀
5. 檯頭d野成鬼日唔見 筆啦 memo紙啦 唉 總之咩都可以唔見
算啦 其實mami返呢度 大部份時間都好開心
仲有好多斬獲哩 哈哈
每天 mami都準時起床 幫titi換衫衫過ti嫲度
titi日日都差唔多時候起身
(由個半月開始 佢晚晚都十點訓 一覺訓到第二朝七點半 )
返工日子 放假日子mami都見到titi起身九步曲 同大家分享下丫
1.Mami靠近titi 佢會感應到 有所反應
2.titi開始"捽"眼"捽"鼻
3.繼而"r"臉"r"頭
4.無啦啦睜一睜眼 (但都未醒架喎)
5.唔知笑咩 可能好好訓卦 (張被仔好舒服 質地好)
6. 今次 真係醒左啦
7. 睡魔再急call (睇下佢隻手指幾乞人憎)
8. 醒晒 望住ti爸 : 早晨!
9. titi: 嘻嘻 mami我條片片濕左啦 唔該丫
兩個幾月既小ti 由初生寶寶變好動寶寶啦 好野!
mami之前幫titi換片片嗰陣發覺 佢隻"肥脾"好多痕呀 加上有輕微滲尿既情況
決定要幫titi換大一個size既片片啦
換言之 兩個幾月既titi要由初生寶寶變好動寶寶喇! yeah
一件咁小既事 都令mami返得嗰半日工(下午半天假哩) 都可以開心左大半日
titi攞住細碼尿片同中碼尿片影相留念後
正式變好動寶寶lu
溫馨提示:天氣會急轉涼 各位媽媽和寶寶都多添衣啊
titi第一時間都變身肥嘟嘟白兔女郎 好暖哩
今年樂富個聖誕塲做得唔錯 用童話故事做題材 d公仔都ok cute架
兩婆孫加聖誕老翁
禮物屋呀 titi揀一份丫
賣火柴的titi(女孩 ) ?
人魚titi (公主)?
行完樂富 我地轉戰九龍城廣場 一個勁沈悶既商場
我地坐底飲野嗰陣 titi已戰敗了給睡魔 呵呵 最後梗係返ti婆基地荃灣啦
辛苦的一天 充實地完結了!
小ti訓到手指伸直左都唔覺 哈哈
mami今日超累哩 可能尋日去左bbq 都未休息夠
今日又要去ti爸公司既運動會 噢 d骨好痛呀
一早起身同titi著左運動套裝 成個人醒神晒 就出發參與titi人生第一個運動會啦
臨走前 我個囡仲要同elmo傾計 究竟有咩好傾呢? 可以由朝傾到晚嘅
仲要笑晒咁 行啦titi 我地夠鐘啦
於是ti爸就揸車接埋ti婆 出發pccw既運動會啦
嗰度真係好多人呀 d人多數準備march in 有好多team人呢!
ti爸同titi喺門口影張......到此一遊
開幕儀式之後 有好多人表演
發呆中既titi 記唔記得我話過titi最憎多人既地方呢?
下面係ti爸同titi既留念照
跟住now既march in人向觀察擲左好多呢d野 一打開
哇 原來係波仔呀 mami後來多個橙色tim呀
食埋個free lunch 我地就去左九龍仔公園 mami細個成日同ti婆嚟呢
今日我同埋自己個女去 又同埋自己阿媽去 個感覺係......我真係大個女啦
titi第日一定要有私家車既車牌 因為ti爸ti媽都有呀!
但電單車就唔洗問 一定唔比呀!
titi同ti爸滑落去之後 titi勁 high呀
)
