2011‧3‧19
真係蠢
一去到食錢樂園又冇晒錢
d錢用喺邊度? 點解會冇晒呢?
由阿ti講起
佢第一時間要試青蛙跳
雖然第一次玩 仲要自己一個玩 冇人陪
阿ti一d都唔驚
就算大家嚇佢好驚架 佢都好冷靜話自己試下先
睇下佢幾咁輕鬆
我地喺度諗 嚟緊海洋公園嗰個佢都夠膽玩咯
之後玩埋小小海盜船
好好玩喎 阿ti勁鐘意
之後再玩埋波波池
哈哈 四合一套票一共八十蚊
平均一個game 二十蚊 好抵呀!
大家可能會覺得奇怪 講到咁抵
點解我地講到食晒d錢咁嚴重呢?
冇錯 阿ti淨係用左我地八十蚊架啫
其他嘅
我地用左喺呢度...
哈哈 如果當日大家喺黃埔食錢樂園
見到兩公婆傻左係咁唱錢入錢嘅話
唔洗驚 唔好覺得奇怪
呢d係賭仔心態
唔見到架火車跌晒d coins落嚟係走唔到 唔心息嘅
喺度奉勸大家 千祈唔好接近呢架機
我地嗰日玩左阿ti半個月嘅ballet學費
食錢樂園 Don't wanna to see u again!!!!
2011‧3‧20
Fanny & Tom's wedding
今日我地要出席另一個婚禮喇
三月都好多人結婚喎
今次仲要係去教堂觀禮tim 真係好開心
未到教堂之前 我地落左鯉景灣飯堂食飯
阿ti :我今日靚唔靚呀?
阿ti揸住嘅係阿公親買比佢嘅公主發聲字典
好似好好玩咁架
飽飽後 我地揸車到跑馬地
今日觀禮嘅靚場地 - 聖瑪加利大堂
好多人恨都恨唔到行教堂
tima就係其中一個 特別係天主教嘅教堂
真係好靚ga
阿ti當左自己係花女
成日問幾時表演 幾時灑花瓣
sorry呀 今日唔係你做花女
雖然tima都想你行教堂...
所以 做唔成花女都要著靚靚替一對新人祝賀
陸陸姐姐今日好靚呀
一個好溫馨好有planning好有誠意嘅婚禮
如果阿ti今日做花女就好喇
tima恨個女行教堂恨到飛起 哈哈哈 唔好見怪
阿ti今日好靚呀
相比起tima今日又腫又殘 失禮晒
yeah! 都話天主教嘅教堂好靚架啦
點解女仔會咁嗲爸爸架呢?
成日唔係攬就錫
gor gor靚女姐姐
果然讀天主教學校
祈禱似模似樣
主角嚟喇
好襯好sweet嘅一對 能夠走到結婚這一步 真係唔容易啊
yeah!
喺教堂March-in都特別浪漫過人 (呵呵 原諒tima嘅主觀)
合照 禮成
出嚟拋花球喇喂!!!
邊個最恨嫁企最前 哈哈
阿ti呢d梗係企最後啦 哈哈
多謝"六六四四"邀請我地參加你地嘅婚禮
祝白年好合 永結同心
快d整返件同阿ti玩呀!
