歲半春雨綿綿寫真

三月二十九日   春雨綿綿

十八個月至十九個月閒記

 

   

     My Cover girl TiTi

 

      titi對唔住呀 mami好忙好攰....好耐冇同你影靚相

今次拎埋小水靴 小傘子 一於影返幾張靚相先

   再加埋呢件紅色甲蟲小披肩 mami比一百分 靚靚呢!!!

睇返之前每個月嘅寫真 阿ti真你大個左喇

   眼神 pose 真係變成一個小小model咯

mami唔捨得阿ti大個...就嚟兩歲...就嚟返學

  返學之後有自己思想 未必好似依家咁任我影...

   

   

   

   

   

   

   

   

   

   

   

   

   

   

   

   

   

   

   

   

   

   

  

   

   

   

   

    看看mami的樣子 真的很攰攰呢....

  

拜祭太公-數碼港-九龍城

三月二十八日 情深深 雨濛濛

十八個月至十九個月閒記

  

    就嚟清明節 加上天色陰陰沉沉

       我地決定提早上山拜祭太公 

  返半日工 阿ti衝嚟公司接tima 好開心呢!

    以前得老公接 依家多女嚟接 特別冧冧

   一支箭衝落中環開餐 我地首選沾仔記

   大大碗好味牛肉粉都係十幾蚊 仲好乾淨企理

沾仔記對面仲有果汁 阿ti最愛蜜瓜apple!

  

到左太公嘅墳場 果然不出我所料

  依家阿ti大個喇 對好多野都好好奇

    佢揀左一小束花比太公 整好晒d花 阿ti想指太公嘅"鄰居"

 仲叫左一句 "婆婆" tima即刻按低佢隻手仔

    抱住阿ti轉身望海 阿ti阿ti 大吉利是咩...

 

  之後我地落左去數碼港 唔知撞唔撞到同事仔呢?

   阿ti大叫 : 我到左數碼港喇!!!

   喺數碼港 我地多數會落公園玩 一如以往 好多狗狗呀

   呢兩隻狗坐波子嚟架 大佬!!!

 

    追汪汪中

    望咩呀 囡?

      仲學人懶relax咁tim

    見到阿囡咁開心 去幾遠都值得!

   你又見到d咩奇怪野呀?

  

   

   阿ti見人玩波波 就指爸爸去車度攞波波

   tima tiba 公公 婆婆 就陪佢玩左半個鐘喇

 

  

  

離開公園 我地去左wise kids 有好多playmobil

    tima好鐘意playmobil架 下次歐洲見!!!

    今次仲帶走左幾本catalogue呢 各位媽媽一定要攞

   一來唔洗錢 二來本catalogue仲靚過出面賣嗰d書仔

  裡面有好多唔同嘅主題 動物園 城堡 警局...

  d公仔好細緻 今次有排教喇 仲好過出面百幾蚊本嘅故事教科書

     由家長自由發揮問問題

留意啊 每本都有年份架 有05 06 07 08 09...

 

   

  

  跟住tima上車訓到死魚咁 可能呢排返得學多

    個人好好好攰 好似今日 訓左十個鐘呀 嘻嘻

 一醒 原來tiba同公公婆婆商議好 去九龍城食打冷

   都好 好耐冇食過潮州粥 凍蟹 食之前仲同titi去九龍仔公園玩呢

 一家人去玩 幾時都最開心 期待每一個星期六日

   

聽舊歌 憶往事

  從前從前 好耐嘅從前

    Tiba Tima拍拖嘅從前

   Tima收到Tiba嘅sweet sweet e mail

  裡面有條link

    入左條click 睇到一個到依家仲好震撼嘅MV

     今日...細意為大家送上　

   (請關掉blog嘅backgd music先開MV 見諒啊!)

    聽到以前嘅情歌 個腦"嘭"一聲記返好多野

 同tiba行街 食飯 去玩嘅日子... 好開心 好浪漫

      仲有第一次去街 第一次拖手 第一個生日 情人節 聖誔節

   每個冬天 夏天 春天 秋天 收嘅花 禮物 特別安排嘅晚餐

  再想到註冊處say I do 婚宴眼紅紅緊張的進場 接受眾人祝福

鏡頭一轉 看見每一個照顧大肚tima嘅片段

    還有陪住tima誔下titi的驚險片段

  

    baba 我地好耐冇好似d後生仔咁攬住行街啦 哈哈

  以前我地最鐘意做嘅肉麻浪漫無聊野都冇晒....

       唔制呀 唔制呀!!! 

新界半日遊

三月二十五日

十八個月至十九個月閒記

      tima休息一日 公公婆婆都休息呢

一早tiba就車我地去荃灣會合公公婆婆

   食完早餐 上婆婆度白白 就去沙田咯

 

   今日全日落雨呀 本來想去 snoopyland都冇得去

       唯有去食ucc carfe 要左一set salad bar

   個個都食得好飽呀 食完行一陣街就走喇

 

     

      喺沙田見到一條花女裙 四位數字 好想買呀

        但要諗清楚 yee ee比錢呢

     

 

      離開沙田就上左太婆屋企

  阿ti一去到就喺咁要同太婆玩 好開心呢

     

      

     

      

 

  

 

  玩左兩個鐘 大家叉夠電再遠征咯

     坐巴士轉火車 我地去埋金都睇花女裙

 哇 原來金都d花女裙都好靚呀 好抵tim

    沙田嗰條都係唔好諗喇 著一晚成千蚊 太貴呢

   接埋tiba喺愉城食晚飯 一日假期就完結咯 開心~~~