諾兒...一個月快樂

諾兒 話咁快一個月啦 呢一個月mami感受左好多野呀

未住過医院 (啋) 未生過bb (當中包括好多第一次 縫針呀 折線呀) 未抱過咁細既bb 未餵過奶奶 未換過片片

仲有未放過咁長既公司假 嘻嘻 呢d經驗係做過mami先有 真係肉麻d講句 有甜有苦

諗諗下就黎放完產假lu 要收拾心情做多半個月全職好mami  之後又要返公司打仗

如果比我揀返工 定做全職媽媽(少奶奶)喺屋企 過呢個產假 我會更加肯定話你知 係返工

雖然小ti好得意 但對住佢一個唔做野 我就會覺得好悶

反而放工趕返黎見佢  咁就開心好多 我未想做黃面婆住呀 談生

我要做一個放左工仲可以煮埋飯既老婆,mami  希望可以做到啦 (依家我咁懶)

********************************************************************************

尋晚好開心咁同小ti開滿月party 雖然未到一歲 但都好happy啦

婆婆一早準備好開p既野食 有沙律 煎餃 雞翼 意粉 炒飯 哈哈

仲有我地喺city super買既 beebee旦糕 係honey味架

食完就做我講既打手印儀式 但係失敗左 鳴鳴......

等我再買一個再試過 我唔信唔成功 嘿

   你睇幾多野食 Yummy 

 

係for小朋友既 beebee旦糕呀 但小ti唔食得丫 

 

小ti都唔似一個月bb 個個都話係兩個月呀

    

你睇婆婆笑得幾開心 佢地兩老仲一人送一can奶粉當滿月禮物呀

(你地送左好多野架啦 唔好再送)  

 

跟住到爹地 mami啦 We love u always!

       滿月主角 諾兒bb 小titi         

一個月滿既baby yeah

過埋今日 小ti就正式係一個月b啦 

爹地mami祝你日日開心  身體健康 快高長大 生活喺一個幸福家庭 

喺呢一個月我地發現到 原來一個baby可以帶比成個屋企好多好多歡樂同埋巷話題 

一個baby係可以令全屋企人既目光一致 永遠都看緊住佢 

諾兒 多謝你帶黎既一切歡樂 我要好好珍惜陪你成長既時光

黎緊既兩個月... 六個月... 一歲... 二十歲 或者有一日到你做人太太做人媽媽既歡樂時光

嘻嘻 好似講到好遠咁呀  (抱孫喎 有排啦)

今晚會同小ti開個滿月party 早d黎啦! 招呼唔到

 

結識朋友仔日

尋日一早起身就出發去蚊姨姨公司度 送d野比佢個bb女呀

titi第日你有個朋友仔同你玩啦 佢應該叫晴晴呀 嘻嘻

蚊蚊個肚唔算大但佢望落去好精神同埋好幸福 祝佢喺黎緊既十二月順利啦!

每個女人有bb望落去都係好幸福咁 見到蚊蚊咁 我好開心呀!

 titi去蚊蚊度既途中 神情好呆滯呀 可能啱啱飲完奶奶卦

晴晴未出黎同titi做朋友啫 但titi有另一個朋友仔呀

佢就係依莉姨姨個仔仔啦 佢喺東區出世架

細titi十幾日呀 第日應該可以做到朋友仔啊

未探新朋友仔之前 mami既同事上左黎探titi呢

坐左一陣就去依莉屋企啦 仲同靚仔bb影個靚相留念呢~

  titi同依莉bb第日會唔會變青梅竹馬既朋友仔呢 ?  

最後.......我想講既係 elly 你張按摩椅好舒服呀!!!

小ti被mami出賣了......sorry

自從小ti出左世開始 mam未同佢沖過澡

(佢地叫我唔好學住 坐完月先)

沖澡任務就交左比奶奶同埋我媽媽啦

初初小ti洗白白會喊到好似將佢浸落滾油咁架

但耐左就唔會咯 有時仲踢水 踢到周圍都係tim 真係冇佢收呀

等佢大d我一定要同佢分享佢既浸浴樂

小ti等我呀...... 

嗯 .....今日我決定出賣小ti  將佢既出浴照比大家睇下 嘻嘻......

......哈哈 邊有個父母咁衰出賣自己個女丫 mami幫小ti既出浴相加左工 算係咁啦卦

美人出浴 Part I

(小ti出浴著上new arrival既 minnie top 成個人精神晒呀)

 

美人出浴 Part II

(小ti肉緊表情加埋火辣辣既紅色mini-top 好熱呀!

 )

留心睇下 小ti細細個就有d睇頭啦 呵呵...... 

再出街街 小ti全程訓晒覺

中秋翌日 個個都放假 因為小ti滿月party要舉行打手印儀式

琴日就同公公婆婆爹地mami去左沙田買啦 有好多款呀 都唔知點揀

(因為上網話好多係會失敗架 睇啱個款 就買啦 我買個款仲有分男女 多d人買既)

買左盒女仔大盒 諗住貪心d打埋腳仔 嘻嘻

買完之後爹地就車左我地去左黃金海岸

小ti你都算巴閉 咁細個就第一次去黃金海岸 (26日人仔咋)

mami梗係即刻同bb留念啦 係唔係好開心呀 小ti ( 我諗佢都係鐘意訓多d lu)

mami同你去街街呀 咪訓啦 臭豬

做節做節......中秋節 (Part II)

今日奶奶好忙啊 忙著做節買餸呀 拜神呀

所以今日全程我睇住bb  小ti今日好叻叻呀 自己同自己玩  (身為mami都好安慰)

之後mami仲同佢玩韆鞦呢 又玩得好開心喎 抵錫

如果bb日日都咁就好啦 (唔好成日大聲喊嘛)

小ti玩玩下韆鞦又望乜乜芫茜葱呀?

    好野! 再盪高d呀!!! 

   

玩完一餐勁既 ti爸就返黎啦 (做節有得放早 佢仲順便剪埋個靚髮tim呀)

小ti都唔執輸 著左件靚靚minnie衫仔做節 女仔要靚靚嘛 呵

食完飯 做完節 小ti就同爹地mami巷仲有嫲嫲出街街賞月啦

(bb未滿月就比我地係咁"的"去街街 嘻嘻 唔好學我地呀)

小ti架私家車被我地佈置得好靚呀 睇下~~~

公園賞月中既mami嫲嫲爹地同小ti好開心 食下月餅 玩下小ti

好快就一個鐘 返到屋企 mami仲同小ti補影中秋相 (事關公園太大風同有雨 好醜怪)

mami同小ti過左一個平凡開心既中秋  byebye!