大鬧"噢筍柏"~Part I

             三個月大嘅Titi都大鬧過ocean park呀

          click嚟度啦 (三個月海洋公園part I)  

              今日大鬧ocean park呀 唔係玩嗰種大鬧 係媽媽聲嗰種呀

                  事關有平價海洋公園票 仲送埋灣景餐廳嘅buffet 咁一定去啦

                    點知一去到 噢 真係想返屋企呀 唔係熱 唔係驚曬

   而係今日成個場都係大陸同胞呀!!! 玩咩隔籬總有個人叫 "快點兒 快點兒"

                就算唔叫 d人好臭 口臭 身臭 仲要痴埋嚟 噢 佢d汗丫~~~

                    一路上 我地都要保護titi 所以過左今日 我同自己講

                       下次就算唔洗錢 我都唔會喺星期六 日 仲要暑假去呀!!!!

    anyway 雖然講到好橙咁 但我地都玩得好開心 因為見到titi比起上次好有進步呀

           titi第一次去海洋公園喺佢三個月大呀 仲未識玩 今次就唔同啦

               喺好多part佢都有反應 仲玩到哈哈笑tim 見到大魚 同熊貓就好驚

               今日先講大樹灣嗰邊嘅情況 有功夫熊貓 安安佳佳樂樂盈盈

               另外 同titi去左兒童王國呀 好多野都可以玩 例如木馬同摩天輪

      

                                         次次都要喺正門影下相嘅  

      

                              titi一見到d panda公仔就驚喇 冇用豬!!!

                    

          以為佢手指指要威威師令(門口嗰隻) 入到去佢一見到真嘅師令就驚

            超級冇用豬呀 假咋嘛 唔洗驚呀!!!不過師令又衰嘅 做咩篤人啫~

       

                       排隊睇panda titi自己揸住風扇 好涼爽呀

                  

                         titi好聽話 淨係睇 同埋指住隻熊貓 (安安)

                  依家返到屋企佢知咩叫熊貓lu mami今日成日講嘛~

                 

                                    去到功夫熊貓嘅特別show....

                  

                                            冇厘神氣嘅皇帝呀.....

                  

                      呢隻tiger你唔驚 屋企嗰隻就驚餐c嘅 搞鬼

                 

   

                    兒童王國 做主角 快樂朋友.......歌仔都有得唱啦

        titi喺兒童王國 真係變左主角 mami陪你玩你人生中第一次嘅木馬啦

                  

                 

   

                

                

 

        個衰豬超鐘意木馬 之後MAMI再陪TITI玩火車 都係超級HAPPY~

               

                

           之後換完片 就去畫畫喇 個公仔係TI爸畫架 唔洗兩分鐘畫好LU

       

                 

                   

               同TITI坐左佢人生中第一次嘅摩天輪 同樣地....超級開心

   

             之後去埋海豚學堂  TITI指住海豚 咿咿呀呀 唔知講咩呀

   

                  

                                睇完海豚 我地就坐纜車咯 明天見