六月九日 咁鬼大雨架 食lunch濕鬼晒
二十一個月至二十二個月閒記
阿ti真係好衰呀 叫佢唱國歌就唱ABC
叫佢數1-20 數到15就話"好" 激死人呀
有咩辦法令佢唔好成日玩mami呢 頹
再問阿TI有關旅行嘅野
邊個話BB去完旅行都唔知呀 佢地記得架 哈哈
另外 Crocs大特價呀 喺timesquare
深粉紅色 88個大洋 淺粉紅disney版 138個大洋
tiba今朝飛左lu 尋晚同阿ti講 : baba聽朝走喇 去做野 坐飛機
titi二話不說扁嘴 想喊 叫tiba : baba 抱抱 baba大攬
到左今朝 衰豬居然五點幾起身搵baba
tima話 : baba沖澡呀 一陣先去啦
點知阿ti二話不說落床 衝去搵baba
之後baba去廳佢就去廳 baba去廚房 佢就去廚房
等tiba搞掂晒d野 baba話 : titi 要聽話呀 baba坐飛機做野喇
阿ti眼紅晒 扁晒嘴 好想喊呀
tiba話 : 拿 唔準喊架 baba鐘意titi笑呀!
阿ti聽完真係冇喊 仲揮手講bye bye...
等tima關左大門 再入埋主人房 阿ti居然大喊 佢一直忍住呢
仲一路喊一路講 : 鳴鳴 baba走....baba唔返屋企...baba飛...唔返屋企
衰豬嚟架 喊咩啫 搞到tima都喊左一陣呀
titi喊左幾分鐘 之後坐喺tima個枕頭度再講 : 好快返嚟...baba返嚟...
(以上對話全部屬實 原來阿ti咁大個女 懂世故喇... 忍到喊 好有eq呢)
TiTi,唔好喊..爸爸媽媽努力工作為了我們生活,買玩具,靚TEE比你..
回覆刪除開心d.....
[版主回覆06/11/2009 00:21:00]媽媽工作亦都係咁 搵多d比titi yeah!!!
爸爸一定都係好唔捨得titi，titi好鍚爸爸。
回覆刪除[版主回覆06/11/2009 00:19:00]係咯 佢錫baba多d架 ~_~ 依家晚晚 都話 baba陪 baba陪...傷心~~~
Tiba 一定都唔捨得Titi, 好快返來架啦
回覆刪除[版主回覆06/11/2009 00:17:00]佢都避左好多出trip嘅次數 今次避唔到呀 ~_~
嘩...titi真係好叻呢..細細個已經識咁多野...忍喊都識??勁呀
回覆刪除[版主回覆06/11/2009 00:16:00]真係冇誇張呀 冇作大架 雖然講出嚟都唔係好信自己 但呢個係事實呀...好勁!!!
抵個個都咁錫你個女,,,
回覆刪除尢其BABA,,,
[版主回覆06/11/2009 00:15:00]佢識嗲人 嘛 大d仲死 見到我地d死穴呀 ~_~ 唉
好衰架~攪到我都眼紅紅添...
回覆刪除[版主回覆06/11/2009 00:15:00]佢都搞到我唔知點咁 我都喊埋一份 ...
睇完好想喊呀....嗚嗚...titi真係好乖女呀...
回覆刪除[版主回覆06/11/2009 00:12:00]大個都係咁就好喇...thanks
TITI真係好乖好乖
回覆刪除[版主回覆06/11/2009 00:10:00]呢次真係我感動到喊呀 ...
哈哈哈........你教佢呵呵呵,好好笑
回覆刪除[版主回覆06/11/2009 00:09:00]係呀 勁鐘意佢呵呵呵
titi真係好可愛,仲好識諗添~~
回覆刪除[版主回覆06/11/2009 21:13:00]呢次令我好感動呀 如果走嗰個係我 而佢喊到咁 我都一定好冧 ^^
嘩！佢真係好似大人喎，又聽baba話，叫佢吾好喊，等baba走左先岩！titi真係又乖又好學又生性呀！
回覆刪除[版主回覆06/11/2009 21:14:00]呢次真係好想讚佢呀 佢真係忍到 令我覺得好意外!!! 希望大個都聽話啦 ^^ thanks呀
衰豬～咁細個就咁感性既
回覆刪除[版主回覆06/12/2009 23:03:00]噫 係咯 搞到我喊tim 一陣個衰佬以為我好傷心tim 哈哈哈
WAH....睇到人地都眼濕濕呢。titi真係生性聽話，又叻女喔。 不過十五都試過類似的，但佢唔識忍喊，會喊住同我講byebye同揮手囉(之前再細d，係會捉實同攬實我唔俾我返工架。)，因為佢唔想我返工，要我陪佢。 佢地真係明我地講的野架，成日以為咁細唔會明。
回覆刪除[版主回覆06/12/2009 23:01:00]今次真係好想讚佢呀 喊完再訓嗰陣都諗有冇咁勁嘅eq呀 但係係真架 佢真係明架 咩做野 咩坐飛機都明呀 ... 所以.....小心講野 哈哈哈
TiTi, 好得呀...冧 C TI BA 喇
回覆刪除[版主回覆06/14/2009 23:01:00]係呀 最衰佢爸爸見唔到 同埋影唔到比佢睇呀
好感人呀!攪到我眼濕濕呀!
回覆刪除[版主回覆06/14/2009 23:00:00]所以我喺現場就喊咯
titi同tiba感情真係好好
回覆刪除[版主回覆06/14/2009 23:00:00]同我就冇咁好咯 鳴鳴
titi叻叻呀,可以忍到唔喊,仲咁識諗,titi真係大個女喇,相信返學嘅時候會好快適應學校嘅生活啫~^^~
回覆刪除[版主回覆06/14/2009 22:59:00]係咯 又會忍到 初初我都唔信呀
返學我就冇擔心佢喊 淨係驚同其他小朋友有推撞咋
哦,,,
回覆刪除TIBA趕唔趕到返嚟過父親節呀???
TITI仲有無每日TIBA前TIBA後呢,,,
[版主回覆06/14/2009 22:57:00]冇呀 tiba唔喺度第三日佢都冇提喇 可能都多節目同多人同佢玩卦 ^^