愛台灣 ☀ 淡水-漁人碼頭-海風餐廳

 

 

愛台灣 ☀ 淡水-漁人碼頭-海風餐廳

2010‧09‧29

 

離開野柳 大家都攰到屎下屎下

於是我地決定坐的士去淡水

個司機叔叔見我地上釣都不知幾開心

一路上大家訓得都訓晒 爽!

去旅行多人去都好 容易搭的士

(我地上嗰架的士係七座位架)

到左淡水 就嚟黃昏 拿拿聲去海邊睇日落

嚟淡水如果唔睇日落 真係等於冇嚟

個日落好靚 氣氛都變得好浪漫

開始嚟料啦 一張張好靚嘅圖畫出現喺眼前喇

喺碼頭睇日落之餘 我地一邊等船過漁人碼頭

oh my god 同nile river嘅日落有得揮

好靚呀 一部傻瓜機都做到嘅效果...

架船都嚟得浪漫過人...冧死人喇

落lu 落lu...

鏡頭一轉就到左漁人碼頭

條橋有d舊

唔係鐘意睇<<命中注定我愛你>>都唔嚟呀

呢個碼頭就係片中主角坐船去"薑母島"嗰度喇

行完漁人碼頭 一落船就見到姑婆喇

佢帶我地去一間超級好味嘅海鮮餐廳食飯

 

喺度可以話比大家聽

呢間餐廳係我地一致認為好好好食嘅餐廳

 喺台灣成個美食trip中 佢絕對係排第一位

...海風餐廳...

請喺門口揀海鮮 一定要揀炒蟹

唔揀炒蟹等於冇嚟過...

我地叫嘅餸有...

食物 : 炒蟹 (大份)

星級 : ★★★★★★★★★★★★★★★★★★★★★★★★★★★★★★★★★★★★★★★★★★★★★★★★

評語: 無得頂!

香港一定食唔到 用旦嚟炒 但食唔到旦味

嚟台灣一定要試呢碟 隱世美味!

蟹鮮 肉嫰 殼香

每一啖都充滿興奮 一家人快樂聲未停過...

 

食物 : 東風螺

               星級 : ★★★★★ (5粒★為滿分)

評語: 粒粒新鮮 粒粒硬身

 

食物 : 斑

               星級 : ★★★★★ (5粒★為滿分)

評語: 香港酒樓整海鮮嘅水準 好味 唔腥夠熱!

 

食物 : 蕃薯苗

               星級 : ★★★★ (5粒★為滿分)

評語: 菜一碟 新鮮

 

食物 : 炒米粉

               星級 : ★★★★★★★★★★★ (5粒★為滿分)

評語: 好食到暈 炒得唔乾唔濕 味道捉得好好

食一啖就覺得好幸福 必食必搶

 

食物 : 炒麵

               星級 : ★★★★ (5粒★為滿分)

評語: 好味 嫌炒碎左

 

大家都滿足到暈

開始起行去逛夜市

姑婆叫我地試呢隻深海石花

話好有營養 我地叫左一杯 冇味嘅?

食物 : 深海石花

               星級 : ★★★ (5粒★為滿分)

評語: 唔難入口 d石花好意 淡淡的啫喱

成杯野得營養價值高 冇味架

 

媽咪點都要試阿給

食唔落都要買返酒店食...

 

浸浴之前食埋阿給先

好唔好味?

食物 : 淡水阿給

               星級 : ★★ (5粒★為滿分)

評語: 好重南乳味 有粉絲同豆腐 食一啖就唔想食

 

呢晚係我地係西門町嘅最後一晚

所以冰箱嘅飲品都攞埋出嚟lu

食物 : 油飯

               星級 : ★★★★ (5粒★為滿分)

評語: 其實即係香港嘅糯米飯 夠熱夠味

係時候影下手信相先

唔係聽日冇機會喇 我地會上陽明山呀

住一晚溫泉酒店

呢間酒店住左四晚 好唔捨得呢...