愛台灣 ☀ 羊咩咩在青青草原

 

愛台灣 ☀ 羊咩咩在青青草原

2010‧09‧26

 

 

今日有超級豐富嘅節目呀

亦都係喺清境嘅重頭戲 我地嚟呢度都係為左"佢"

....羊咩咩

哈哈 我地去青青草原呀!

未去之前 食返個happy早餐先 好有風味嘅早餐

有飲唔完嘅冬瓜茶同grape juice

呢隻綠茶麵飽都好好味 仲可以烘一烘佢tim

 

食完早餐 我地返去收執行李lu

臨尾影多幾張相先

放低d行李 就坐民宿嘅接送車到青青草原喇

除左紐西蘭之外

呢度嘅大草原有好多羊咩咩走嚟走去比你影相

唔似得動物園困住d羊咩咩架

哇 好靚呀 成個山頭都係草

今日好好彩呀 冇落雨

要知道青青草原成日大霧同落雨架

我地今日一行淨係"好光" 冇雲呀 令人睜唔開眼

 

喺咁高嘅地方 又冇雲 對眼打唔開喇

一入門口就見到d羊喇 可惜係比欄圍住

公公即刻買飼料比我餵羊羊 可惜我同媽咪都唔敢

我地唔餵 yeee同公公就狂餵 佢地買左好多包飼料呀!

好喇 夠鐘睇9:30場趕羊秀 let's go!

好多人都喺度等喇~

唔知d 咩咩緊唔緊呢? 就嚟開show喇!

呢個哥哥係咁夾住隻羊仔喺度表演 之後仲表演剃羊毛 好精彩架!

好快就到趕羊show 牧羊犬為大家表演趕羊上山 趕羊圍成一群 真係好厲害呀!!!

完show之後 羊咩咩就被放出嚟 成個一頭任佢地走架喇

大家都好開心 爭住餵飼料

本來我都話要餵 可惜最後都係太驚 始終隻羊都太高喇 仲跑得好快 都係咪搞我...

話時話 羊羊d毛毛好得意呀 我有摸到 好似好假呀 似件洗衰左嘅羊毛衫咁 哈哈!

仲有黑羊羊

初初媽咪都好驚架 後嚟唔忿氣咁遠嚟到唔玩下 於是就摸埋去...

隻羊掛住食 唔擰個頭過嚟呀 eeeee~~~

我冇咁驚喇 但都係望實隻羊...

BABA好衰架 話隻羊羊會過嚟 我好驚呀!!!!!!

連續兩張相都見到我有幾驚

玩到癲晒 見d羊愈跑愈遠 (跑上山) 我地都唔留低咯

出返門口就見到公公婆婆 佢地話買雪梨比我食呀

去旅行食多d生果都好架 有便便嘛

d梨好大個 好甜架! 但都幾貴

接送車嚟喇 我地再上返車 正式向民宿講再見喇

我地唔會再嚟喇 哈哈 下次係都去第二間啦! byebye!

喺接待處等接送車送我地去高鐵站 真係辛苦晒司機叔叔 要兩個鐘嘅車程...

 

經過呢次清境民宿體驗 可以話比大家聽一家人去呢d地方玩 真係好開心架 雖然大家都會攰 (車程長 同埋因為高山會有少少反應) 但依家睇返d木 會覺得好值得!