阿b mami大決戰

咭咭 mami終於搞到落床唔會啪啪聲啦!

對於我黎講係一件超開心既事!

一早起身就同bb大決戰! 話說呢個bb由變大隻左開始就唔比我向右側睡 每次我想轉去右邊訓

bb就會跣去右邊用個身頂住等我訓唔到落去 所以一直以黎我都係訓左邊 搞到左邊神經好痛

今朝我終於爭取到訓右邊啦 yeah 我見我右側睡小b冇反應

當我轉少少身 (係少少)  諗住拿拿聲o係左邊攞番個小枕頭去"攝"位既時候

 (小枕頭可幫助"攝"住肚同床中間既空隙 "攝左好訓好多架 )

小b已經"攝"左隻唔知手仔定腳仔過去右邊頂住

呀! 激死我啦 跟住我都好變態 打左阿b (個肚)兩下 <<< 開始黎料啦 聞到火藥味嗎?

打下左兩下之後 佢亦都好大力"bom"一聲打過黎回敬左佢mami一下 mami不甘示弱死都壓落去右邊訓

小b見mami咁樣亦好唔客氣係咁"new"mami既肚 唉 最後mami大聲唉左一聲 認輸啦

我都係驚整親bb 唯有慢慢咁轉返去左邊訓咯......(當然訓得唔耐啦 )

之後我上網睇番 原來孕婦側睡靠左係最好既 有助全身血液循環喎

哈 錯有錯著 阿b mami係唔係應該多謝你呢?

今日mami同你一齊泡制愛心午餐 有咖哩飯飯 同綠茶 超棒啊!