今日就係預產期啦!

今日就係預產期啦 雖然仲未作動 但係今日係咁有feel

個肚開始痛啦 yeah! 我諗今次應冇feel錯架啦 痛得有規律嘛 唔算好痛 但都有平時肚痛咁痛

好期待真正勁痛係點 再觀察多陣先決定入医院未 唔想入到去得個等同悶字嘛 起碼屋企都有電視睇丫

今日一早我媽子就買左早餐上黎比同迪爸 果然二廿四孝媽媽 之後悶左一陣出去join我皇妹食lunch

今日揀左北角既阿鴻小吃 上次食過佢既雞腳筋 覺得唔錯 門口又泊到車 所以就去左試埋佢d小吃

真係好唔錯 食完lunch送左媽子皇妹 我地就去左灣仔出發

作最後衝刺買左小帽比bb 仲有口水肩 好得意架 好平咋 我決定以後都可以去嗰度買啫

估下帽仔幾多錢 質地好好架 $12 咋 吉之島賣$6X呀 而咁意既口水肩都係 $5 咋 平到嘔呀!

買完野就去利園接談慧慧同奶奶 奶奶亦都係廿四孝奶奶 佢買左zoe旦糕呀 哈哈 好味

返歸中途又再痛過啦 我諗真係差唔多啦 拿拿聲返去洗頭沖澡 希望食埋飯就入医院啦

bb你係唔係真係會出黎啦 依家我好期待 但另一方面亦好擔心啊!