落床啪啪聲啪到我好驚

由琴日開始就發覺依家落床時 恥骨位置會發出啪啪聲既巨響 係巨響喎

呢種巨響令我驚左一日  搞到媽媽妹妹同談生好煩tim sorry

根據談生詳盡既分析 巨響啪啪聲產生成因如下:

迪b依家愈黎愈大 愈黎愈墜落盤骨 令恥骨位置中間既軟骨變薄 當mami側睡數小時 令恥骨受壓

早上起來 一轉身 兩塊恥骨沒軟骨阻隔下 互相磨擦 因而發出啪啪聲響

唔 聽落好似係喎 mami對迪爸真係有點另眼相看  迪爸分析得好好 佢之後仲話係避免唔到

好多孕婦都會有喎 唉 咁即係bb你出世之後先正常番 ......

到左琴晚 mami真係為左巨響一事唔敢訓覺喎 三點鐘居然起身睇有線播"七劍"

之後迪爸仲要陪我睇到四點半 哈哈 很累了 一訓就訓到第二朝九點幾 好急呀 好想去洗手間

雖然好急 但mami好冇用咁訓o係張床度 唔敢落床 我唔想再聽到啪啪聲呀!

諗諗下 唔得! 就黎做媽媽 點可以咁任性 咁怕事架 勇敢d

於是mami努力咁郁下下半身 希望令骨頭鬆d 之後鼓起勇氣 成功啦 今朝落床 居然冇啪啪聲 好開心!

呢件事既事後檢討: mami其實唔怕痛 抽幾多次血唔拍 老實說 我還有d期待生bb個種痛

呢種痛係女人先有機會體會到既 我相信係難忘 係幸福既 係先苦後甜既 係滿足既痛

既然痛都唔驚 點解咁鬼驚啪啪聲咁冇用呢? 真係唔知啊 人真奇怪呢

迪b 你仲未出黎架 mami好想見你啊 個個都追住問 開始有點煩同有壓力呢