會唔會唔慣呢?

今日去左朋友既blog睇左一陣 佢啱啱生左個bb 依家處於失落期 (係唔係叫產後抑鬱呢?)>>>

初初未生放產假既時候 呢位朋友仔同我一樣好想阿b早d出黎 日日都叫悶 日日都話要bb早d出黎

依家佢既bb出左黎 反而好多野佢睇唔開呀  我會唔會好似佢咁生完bb都唔慣呢?

令佢失落既野例如:

個肚突然冇左bb郁黎郁去好似好空虛咁 (唔 我都有諗過 係真係會唔慣 話晒係裡面郁左幾個月)

bb喊既時候唔知佢想點 好失落 無助    (唔 呢個我都有聽過 但我媽媽話唔好太在意佢莫名其妙既喊知

    佢飽 知唔係賴臭臭 知佢唔係唔舒服就得啦 因有好多時bb係會無啦啦喊喎  但我都覺得我會衰係呢野 

   大佬 佢喊得咁慘 做mami點可能唔理喎 我覺得如果佢喊我搵唔到答案 我都會好失落)

仲有就係谷奶 傷口好痛 (唔 呢d我都可忍受 我諗我都算唔係好怕痛既人)

唉 我既朋友搞到好似好慘咁 我好想安慰佢要忍耐 bb由一出世開始就係咁長大

如果唔好好珍惜同佢每一個moment既話 好快就到佢大個架啦 

無論佢喊好 笑好 衰衰格咁都好啦

始終都要提自己要enjoy 既然咁幸運擁有一個小生命 就應好好珍惜

唔好比自己情緒破壞咁美好既一切 

好 今日都要上網了解下坐月需知 同埋認識對付產後抑鬱既方法先! 加油 談mami

p.s: 談小b仲有三日 唔好延期居留 搵警察叔叔拉你架!