唔知係唔係我琴晚比迪爸激嬲左
佢今日居然請大假陪我一日 
終於o係悶悶既產假有d新機 (起碼有人陪食午餐丫)
一早起身照樣陪迪b睇小丸子
再睇埋靈異偵緝檔案II 
(大肚婆黎講我算係唔怕嚇親 呵呵)
再睇埋無線既人生馬戲團 迪爸可能覺得好無聊 陪陪下我睇電視就入左房訓過 
到佢醒左 就陪mami出左去買野食啦 我地去左雜誌介紹既阿鴻小吃買走一盒好出名既芥末雞腳筋
唔錯 好有特式 但下次會叫其他去食 佢間店d滷水都好得架 小吃店道門一打開就嗅到lu 下次同bb去食先
嘆完雞腳筋之後就去左太古城買bb既奶粉 ( mami會餵初乳 初乳係好有營養
但係我相信mami最多餵一個月母乳架咋 初乳完左 bb就要飲奶粉咯
)
bb奶粉方面 經我做足調查後 我發覺日本和光堂奶奶係比較好既 好多媽媽話食和光堂便便ok 皮膚ok
雖然係貴dd 但同事仔都話bb初初六個月食靚少少既奶粉好d
因為bbo係六個月前唔識得分解奶既多餘旦白質 易有便便唔暢通同皮膚有粒粒
為左bb好 辛苦d去咁遠買都抵既 (和光堂唔係度度有得買)
買完奶粉就同奶礽飲下午茶 奶奶話今晚煲腐竹旦旦糖水 好似好多野食咁喎 
呢罐就係談小b既專用既和光堂細仔奶粉啦 !
沒有留言:
張貼留言