十二月二日 天陰陰 影數碼相最好 yeah!!!
楽しいTokyo -DAY FOUR- Disneyone
去迪士尼做足準備 更何況今日係去東京迪士尼呢! 本來我地個團係星期日去迪迪尼架 但小泉生好好人咁幫我地改做星期二去 等我地唔洗逼 仲唔洗爭 去玩就更加嘆喇!!!
媽咪好鐘意minnie mouse架 次次去唔同嘅迪士尼都會買一隻大minnie返屋企呢 依家屋企有好多隻大minnie喇 上次20週年買左隻好靚嘅minnie公主 唔知媽咪今次買唔買到25週年版嘅minnie仙子呢? 媽咪鐘意minnie 而我就最鐘意tigger同pooh pooh喇 每次見到佢地我都會大叫 pooh pooh 虎虎! 可惜今次去東京迪士尼媽咪唔比我扮pooh pooh同虎虎 淨係比我扮佢最愛嘅minnie咋 算啦 媽咪 今次titi就你一次 下次我要扮虎虎呢!
尋晚住嘅sunshine prince真係好舒服 一覺訓到大天光 婆婆幫我換左戰衣 就落樓食早餐喇 今日嘅早餐都ok 有我最愛嘅日本米飯 同旦旦 食多d野先夠力去見pooh pooh 同虎虎嘛 食多d 食多d...
好野 上車先至八點半 我地應該九點多就到迪迪尼喇 媽咪 titi好開心去睇虎虎呀 聽人講東京迪士尼靚過香港嗰個 今日我可以見識下喇 你要幫我影多d相留念呀 我大個睇返一定好開心啫
去到東京迪士尼喇 領隊話今日算好少人 發達喇 可能今日星期二 加上天陰陰好似就落雨咁 所以冇咩人嚟呢 我地可以玩盡迪迪尼咯...等我報告下天氣啦 全日冇雨 天色逐漸晴朗 好開心呀 媽咪話上次同嗲地去嗰陣好多人呀 加埋之前見到靚靚紅葉 富士山 今次旅程 titi真係好好彩!!!
講個秘密比你地知丫 呢次去迪迪尼 媽咪有篇到行程架 初初我地都笑佢多此一舉 點知玩到九點 一切行程都同媽咪所plan嘅一模一樣呀 即係代表我地玩晒要玩嘅遊戲!!!
到左大門口 我地等小泉生分好cash coupon同入場券 就正式進攻東京迪士尼喇 呢次係我第一次嚟到東京迪士尼 多多指教呢...
媽咪第一時間幫我租架車 架車唔係用嚟推我 而係用嚟推個奶粉袋架 不過 我想訓覺嗰陣媽咪都放我落車嘅 租車費用七百yen 仲送埋個小小咭牌留念 嗲地畫左我個樣落去 而媽咪就幫我寫"TiTi"呢 喺佢地租車嘅途中 有好多日本人偷影我呀 可能我扮minnie卦 媽咪見到一d都唔介意 仲叫我笑呢!
租完車 我地匆匆喺正門影張相 就即刻衝去完第一個遊戲 3D微縮世界喇 未去到之前我地比好多靚景吸引左 有大棵聖誔樹啦 城堡啦 仲有巴斯光年等等...
喺玩3D之前 嗲地FP左Space mountain呀...我地去到3D微縮世界 佢地個個都戴住副眼鏡 好似好得意咁 titi都想戴呀 唔該丫 聰少...
玩左一陣 好快就有得睇啦...我之前喺香港迪士尼都玩過3D 第一次好驚 今次第三次 一d都唔驚 見識多左就自然唔驚啦 我仲好enjoy訓喺聰少度睇呢 呢套movie有隻大汪汪架 所以睇得我好開心...媽咪成日望過嚟 驚我會驚 唉 媽咪 titi大個喇 唔會咩都驚架 你enjoy你個show啦...
玩完3D 之前攞左FP嘅SPACE MOUNTAIN未夠鐘 (同媽咪預計一樣) 所以我地就走去Toonsland嘅minnie house度影相
我著到咁minnie梗係要去minnie house啦!!! 媽咪 你第幾次嚟呀? 表現得好似未嚟過咁興奮嘅? 將我左放右放影相 你阻住人地喇 冷靜d啦唔該...
yee ee同聰少係咁比媽咪舞 "擺佢落洗手盤啦 噢 比佢扶住企啦..." 媽咪 隨便影幾張相就算啦 唔洗咁認真喎
喺屋度玩左15分鐘左右 啱啱夠鐘可以去玩space mountain喇 按照原先plan好 媽咪送公公婆婆同我去玩小小世界 (有得坐 唔吹風 有音樂 又可以玩多樣野呀) 我地玩得開心嘅同時 佢地喺space mountain玩得仲開心 聽聞話space mountain重新整過 但媽咪話整完仲冇之前咁靚 變得同香港差唔多 佢地一個二個好失望呀 所以決定出嚟比個bad佢...
我地玩完小小世界 公公好勇咁去買左個pooh pooh水壺比我 第日可以用佢嚟返學 好靚架!
沒有留言:
張貼留言