十一月二十九日 天色很好 滿意滿意
楽しいTokyo -DAY ONE-上機去
唉 好早呢 一早5:30am 佢地就"的"我換片著褸 人地好眼訓嘛 所以我冇理佢地繼續訓 哈哈
媽咪琴晚執定晒d野 沖定枝全熱奶就落樓咯! 好啦 見你地咁有誠意 就比面你整個興奮樣比你啦 算係咁喇卦
媽咪一早教定我飛機呢樣野 教定我點樣係飛 我完全明白 亦好清楚架 可惜sorry呀媽咪 我發音唔正 淨係識得用"they"嚟附和你 但我好鐘意同媽咪一齊講個"they"字 仲一直講到去機場呢!
琴晚未訓覺嗰陣 偷聽到媽咪同嗲地講 : 好開心呀 終於可以一家人去旅行 終於恨到喇! 睇嚟媽咪真係好鐘意一家人去玩 我都好鐘意見到公公 婆婆 yee ee同聰少呢
titi都好希望今次媽咪玩得開心 咁titi就好開心喇!
好野 嗲地放好晒行李上車 我地嘅東京開心5天遊開始喇 例牌地 我會自己坐喺媽咪大腿上 好快咁開著個Hi-fi 然後施施然自己拎住奶樽 嘆返枝熱奶先 爽呀!!!
我望下媽咪 佢好似好眼訓咁 媽咪一陣上機你訓覺呀! 嘆完枝奶 哇 青馬大橋呀 嗰日出好靚呀 嗲地媽咪心情好似好靚 嗲地仲企圖拖媽咪手仔 嘻嘻 比我見到呀...
去到二號停車場 嗲地媽咪同我影左張醒神出發相 之後就要雞咁腳走佬呀 因為冇接駁van (啱啱走左一架 等唔切...) 要行過去terminal one!!! 嗲地媽咪行快d喇...算啦 唔好吹佢地喇 話晒佢地推住咁多件行李 又"的"住我 加油呀!!!
終於去到集合地點 今次我地跟旅行團 東x遊呀 個領隊兼導遊叫小泉生 我唔鐘意佢 因為佢都唔哄小朋友嘅...
公公 婆婆 yee ee 聰少都到左喇
好野 我地可以去check-in同寄倉喇!!! 就喺嗲地 聰少同公公去寄倉嘅同時 我走左去參觀機場 哈哈 個個都望住我 可能見bb揸住張boarding pass卦 我仲好心急咁想衝入閘 媽咪好衰架 影左我未等上機個興奮樣 搞到人地好似個傻婆咁 揸住張登機證衝嚟衝去呀...
我地今朝去左公公嘅最愛飯堂 大快活
媽咪本身想食burger king架 但算啦媽咪 你就下公公啦 最多之後我聽晒你話啦 好冇?
大家有冇見到呀 今日我同媽咪著母囡裝呀 都係今年最興嘅紅色格仔呀!!!
媽咪幫我換埋片片 就同我去過關喇 bb過關要passport同bb身份證 我見媽咪仲copy定出世紙以防萬一呢
哈哈 媽媽抱住我嘅關係 冇得用e道呀 去到counter 我好自覺同阿sir講聲 "hi" 聲 初初阿sir都木口木面 我決定用誠意打動佢 我伸手示意同佢握手 媽咪笑到碌地 阿sir呆一呆 終於笑喇 仲同我握手 整晒野 媽咪叫我同阿sir講"bye" 呢d我實比面佢嘅 bye bye喇...
過左關 我就一枝衝去兒童天地試揸飛機咯 好鐘意玩呢個模擬駕駛室呀 喺呢度我扭第一次計 我要玩 我要玩 唔制呀 我唔走呀!!! 最後要 yee ee同我玩多陣先肯走 咭咭!!!
媽咪見我玩得咁開心 又未到上機時間 就帶左我去bb侯機室玩多陣 但嗰度冇小朋友同我玩 所以我冇咁興趣 好快就要求離開咯
跟住我地就坐無人駕駛去登機閘口咯 唔 個車箱好臭呀 香港國際機場點可以容許有臭尿味架 唔~~~ 架車開得好快 唔洗兩分鐘就到...開得太快喇 搞到睡魔急call 媽咪 titi開始眼訓呀...
好野 去到登機閘口 我見到我地撘嗰架飛機喇 "they" 我再一次提醒媽咪我識講呢個字 媽咪笑得好開心 仲幫我同1st plane合照
媽咪同我講 佢第一次撘嘅飛機都係國泰cx機呀 嘻嘻 媽咪同我好多野都好相似 開心... 見唔見到我揸住隻小飛機呀 好得意架 佢自己識郁架 titi我好鐘意架...
我自己揸住自己嘅登機證上機 姐姐讚我 "good girl" 我例牌都同佢 say "hi" say "bye" 媽咪一放抵我 我就揸住pass 同passport咁跑咯 搞到媽咪捉雞仔咁想收我本 passport 哈哈
未起飛 媽咪話影相 一個影 個個都話影 我冇你地咁好氣呀 拿拿聲影啦 唔好阻住我攞兒童紀念品呀...
果然冇幾耐 有個日本姐姐 (好靚架) 問我幾大 嗲地話我歲幾 佢就比左份紀念品我 哇 正呀 有片片 有cream 有mickey畫冊 亨氏baby food 而媽咪就最欣賞個mickey背包 都好靚架!!! 國泰嘅兒童禮物真係最靚嘅 ^^
媽咪一直好期待比我見到起飛 今次仲坐窗口位 諗住可以睇真正嘅起飛...點知...最衰都係我啦 媽咪 我頂唔順喇 媽咪...我...我好.....ZZZzzzz....
媽咪 多謝你....我地坐四個鐘機就到成田機場喇 呢四個鐘裡面 個個都讚我淡定 我冇吵叫 冇扭計 靜靜同公公婆婆玩 靜靜睇DISNEY CHANNEL...雖然landing我耳仔痛 但見佢地好努力咁分散我注意力 我決定扮唔痛...yeah 我大個女喇 終於成功撘左第一次飛機 媽咪 你可以放心啦...
Titi 豬, 等姑姐下年再同你坐飛機衝出香港 ^^
回覆刪除[版主回覆12/05/2008 20:53:00]好 等我plan下先 ^^ 去睇花花啦
TITI好犀利呀~!! 第一次撘飛機就甘乖~!! EE俾個叻叻妳~!!
回覆刪除[版主回覆12/05/2008 20:54:00]整個trip佢表現得好好呀 適應力都算ok 忍耐力真係好強 有兩日冇沖涼都忍到 (有抹身嘅) 合格 可以期待下次嘅旅程
Titi真係好幸福，我都好想帶珞珞去日本呀
回覆刪除[版主回覆12/05/2008 20:55:00]等細細大個d就可以去啦 ^^ 點呀 你坐月悶唔悶呀?
enjoy一個悠長假期呀
嘩..好開心呀..TITI有埋自己個喼...好靚呀..TITI搭飛機有冇驚驚呢??
回覆刪除[版主回覆12/05/2008 20:57:00]哈哈 個喼係yee ee之前買落架喇 初初諗住喺日本就棄喼架 但後嚟都係唔捨得...
冇呀 佢全程都訓覺 就算後嚟起身都好淡定 ^^ ok呀
titi成日掛著sleep,睇唔到咁靚既風景lu....
回覆刪除[版主回覆12/05/2008 20:59:00]係咯 但都有睇landing嘅
但後尾諗下諗下 都好嘅 起碼佢訓左唔會嘈嘈閉嘛
天氣係咪好冷呀? titi着咁厚衫嘅?
回覆刪除真係好開心呀.....titi搭飛機咁乖...買多d嘢送比佢呀!!
[版主回覆12/05/2008 21:02:00]5至12度呀 都凍架 所以準備定多好過少 嘻嘻
但嗰日都係咁著衫除衫呀 麻煩d都要喇 如果唔係旅行病嘅話就變bad memory喇 ^^
bbk坐嗰程飛機咁長途先抵讚呀 我地都係坐三個鐘啫 ^^
titi好乖坐定定，叻女！
回覆刪除titi套衫好靚靚呀。
[版主回覆12/05/2008 20:52:00]呢個trip佢真係表現得好好呀 bb嚟講好有忍耐力呀 唔係讚佢 但真係好抵讚呀
無論喺飛機定旅遊巴都好定 冇扭計呀 ^^
下次可以去長d嘅trip喇
唔怪之d相咁靚, 有部靚相機, 係咪特登買去旅行?
回覆刪除[版主回覆12/05/2008 20:49:00]哈哈 唔係呀 呢個page嘅相大部份用g9影架咋
部相機用好好好平嘅傻瓜機價錢買架 本來唔想買住 想等下年出新款先買架 ^^
嘩titi真係好叻女呀，真係睇到都好抵鍚呀！ 比著我女一早嘈嘈閉吾知點落機好！
回覆刪除[版主回覆12/05/2008 20:47:00]佢返嚟嗰陣就有喊呀 因為耳仔痛呀 我地都好痛 何況佢
但除左耳仔 其他時間都好合作 真係抵讚呀 最好係去嗰程訓晒覺呀 thanks
TITI行得快左好多呀,佢o係機場都真係未出發,先興奮喎hahaha~~titi搭飛機都咁叻,真係好叻女呀!
回覆刪除[版主回覆12/05/2008 23:47:00]佢依家跑住咁去架 嚇屎人
係呀 佢喺機場好 high咁 比d海關姐姐笑佢呀 ^^ thanks 今次真係值得讚呀 ^^
返來啦...yeah! titi行的好快啊.趕住上機啊...
回覆刪除[版主回覆12/07/2008 22:14:00]返嚟喇 哈哈 佢比d海關姐姐笑佢咁趕上機呀 笑死人呀
titi個行李箱好得意呀!
回覆刪除[版主回覆12/07/2008 22:13:00]之前 post過上blog架喇 嗰陣好多blog友仲唔信我會帶去呀 哈哈
titi既行李喼真係好得意~~~
回覆刪除[版主回覆12/09/2008 10:18:00]yee ee之前買架 我都覺得好得意呀 ^^ thanks
titi好叻女呀....坐飛機都咁乖...抵daddy mami帶你去旅行
回覆刪除[版主回覆12/11/2008 10:00:00]係呀 呢次表現良好 可以再同佢去旅行喇 依家plan緊去邊好呀 想喺佢兩歲之前去多次 真係好好好抵呀 好似今次六千蚊嘅trip 佢淨係比一千蚊 還掂兩歲同六歲佢大個都唔記得架啦 想去d貴少少嘅trip...
請問 bb 候機室係邊 ?
回覆刪除[版主回覆01/15/2009 20:02:00]喺gate同gate中間架 但我唔記得個number 你上yahoo search到呢 好似 廿幾呀 我嗰陣都係去之前查先知
但嗰度冇野玩架 如果趕上機可以唔去都得