楽しいTokyo -DAY THREE- 銀座-新宿-池袋

十二月一日 天色好好 開心非常呀

楽しいTokyo -DAY THREE- 銀座-新宿-池袋

上返旅遊車 我食食下奶奶就覺豬左 媽咪突然覺得跟團好正呀 大家都可以休息 而嗲地同聰少一上車就互打PSP踢波呀 好似好開心咁 咩都唔洗諗 上車休息後落車 最啱帶小朋友去呀!!!

中途有停站 嗲地媽咪買左日本薯餅同多多 好好味呀!

   

我地下一站去銀座呀 媽咪同嗲地一早plan好 如果時間許可嘅話就唔stay銀座咁耐 自己出去玩下 哈哈 好彩領隊哥哥話銀座有三小時逗留 yeah一於去新宿啦 媽咪同嗲地最愛新宿同原宿架喇!!! 佢地即刻睇下喺邊個站坐車最近...嗲地望一望個圖 : 去新橋站啦!!! 之前佢地喺北海道同東京玩左十六日 JR撘車一d都難唔到佢地 但要比d時間remind下先...

好野 落車咯 我都好自然彈起身 叉左一陣電嘅我好開心呀 落車周圍勁望 好新鮮呢! 領隊講好集合時間 我地就忍不及待向新橋站出發

   

            

落到去火車站 嗲地同媽咪意見唔一致呀 喺站長叔叔英明帶領下 媽咪再一次勝利 證明自己揀嘅路線係啱嘅  唉 嗲地 你唔記得唔清楚就唔好亂指啦 一家大細 titi驚驚呀 我仲要返香港呢... 媽咪 都係你帶路吧啦

  

             

             

好快到新宿 新宿東口 係最多野行同買嘅 出名嘅beams大樓呀 0101呀 百果園呀 激安殿堂呀都喺東口

                

   

喺媽咪帶領下 好快去到激安殿堂 仲順便影埋歌舞伎町水牌留念呢!!! 0101比我地放棄左喇 因為媽咪話d yen貴 d貨計出嚟都唔抵買架啦 情願行古靈精怪嘅激安殿堂好過喇...

  

               

                

喺佢地狂shopping嘅時候 識嘆嘅公公婆婆買左我去日本麥當當度食野 好多野食香港都係冇架 titi每樣都食左少少 咭咭

             

行左一陣先記得買porter呀 嗲地同媽咪都唔記新宿邊度有 唯有留返今晚去池袋 parco買啦...

今次我地喺新宿另一邊坐JR yee ee呢個時候頭痛啦 好彩媽咪頭痛餅啫...去嗰時好似好快 返去嗰程大家都c下c下咁 哈哈 titi仲未攰喎 邊個陪我玩呀?

  

  

              

  

   

去到銀座 仲有時間去好多玩具賣嘅玩具博品館 yee ee同聰少買到好多野呀 而我地就買左個精品比叔叔 希望佢鐘意啦...

               

媽咪話: 今晚晚餐食長腳蟹宴 d蟹腳好好味呀 今晚仲食埋之前 order落嘅牡丹蝦刺身 一咬落去成口汁 好好味 但個口感始終同北海道嘅超級彈牙蝦冇得揮啦...佢地飽飽之餘 我又到我最愛嘅滑滑冬冬 同埋日本好味飯 yeah!

                

   

                 

今晚我地住嘅酒店喺池袋~太陽城太子 呢間酒店嗲地媽咪好熟呀 之前都住喺呢度 呢間酒店最好就係夠方便 如果自遊行嘅朋友可以去埋附近嘅反反城 好靚好多野買架!

今晚我要同公公婆婆白白先 再等佢地四個返嚟呀...佢地四個出去池袋60通 parco狂掃porter x girl 仲有stussy..x large等等 仲衰到去埋挾公仔 食pancake先返嚟搵我地呀 唔好聽朝先返!!! 但算佢地啦 買左個大炸彈比我地食 我一見到個盒就指住要食喇 嘻嘻 公公永遠最錫我 比左兩啖我食 抵錫...

   

    

             

   

    

   

   

    

                 

佢地見我安頓好 就再出去seiyu24小時超市掃貨喇 嘻嘻 唔怕話你地知丫 喺佢地未返嚟 我同公公婆婆大冒險出去嗰陣 已經行左呢個超市喇 真係好大架 分兩層咩都有得賣..媽咪見奶粉平好多錢 就買左d走咯...

   

   

我聽到佢地腳步聲 好似話買左sushi返嚟食喎...titi好眼訓喇 好眼訓...我要訓喇...聽日仲要去迪迪尼...我要叉電先喇......早抖 ZzzzzzZZZzzz