Welcome to Ti Ti's Private Party!: 楽しいTokyo -DAY FOUR- Disneythree

十二月二日玩左半日天陰陰咯

楽しいTokyo -DAY FOUR- Disneythree

睇巡遊之前媽咪走左去對面幽靈公館做左FP 睇完巡遊未夠時間去玩所以我地決定出返去大門搵公仔影相相順便趁天仲光沿路周圍影下相

以幅banner係由一幅幅細相砌成架仲有另一幅但嗲地冇影到...

沿途yee ee喺咁比d商店吸引住媽咪多次鵝佢叫佢去左影相先因為依家冬令一到17:00就天黑 d公仔就唔出嚟喇... yee ee一味話好一味想入去哈哈笑死titi喇...

一去到大門雖然見到好多公仔但媽咪同titi都有d失望呀因為同唔到我地嘅最愛合照就係米妮小姐同虎虎先生喇佢地兩隻衰野都冇出現到呀!!! (好彩我同到第二最愛 pooh pooh合照啫)

媽咪話唯有同其他公仔影相啦佢地都好得意同埋好nice嘅...

媽咪就係為左下面張相開心左好耐喇仲買左佢個package呢!

呢張係佢地staff影既而我地買嗰張就係師父影架連埋一套曬出嚟好 sharp好靚 (喺day four戰續會見到...) 媽咪再一次話全家去旅行好難得有張大家都影得靚嘅全家福而且好有紀念價值tim

喺大門影得咁上下就返去玩peter pan 媽咪之前未玩過peter pan架見今日咁少人就決定去玩埋 ... 排左一陣就到我地喇個日本姐姐問我地幾多位媽咪諗都冇諗就話 : two! 噢媽咪 titi都玩架 titi都當一位架!!! 日本姐姐示意我地上車但當嗲地想上車之際就比姐姐截住左喇梗係啦衰媽咪話兩位人地點會比嗲地坐落嚟啫嗲地...!!!! titi要同埋你坐呀我驚驚呀... 入到去黑麻麻媽咪又唔可以抱住我我自己坐喺度架車又高 titi真係驚呀但我好淡定冇喊冇叫淨係手仔震震媽咪係咁喺我耳邊唱歌等我冇咁驚搞到媽咪睇得好少野咋...媽咪其實titi都冇叫你唔洗擔心我喎我諗住合埋眼仔唔睇就ok啦你應該enjoy一下嘛....仲有呀下次記住計埋我個人頭呀其實如果今次嗲地同你夾住我坐我諗我冇咁驚之餘你可以睇得晒d野嘛

玩完peter pan 真係夾都冇咁啱呀幽靈公館夠鐘可以玩得而我都好醒目咁訓覺梗係啦睇鬼鬼喎...公公婆婆就搵個位食下雞腿飲下野 good fit!!! 媽咪後尾話返比我知幽靈公館有聖誕節version 好靚呀! 媽咪你地玩得開心之餘 titi都訓得好開心呢

玩完幽靈公館媽咪搵返公公婆婆睇下我醒未聰少同yee ee去玩巨雷山而媽咪同嗲地就去行街街媽咪主要想買文具比我除此之外佢想睇下有冇25週年minnie公仔呀呢樣係佢嚟嘅其中一個目的...

最後比佢搵到喇真係有25週年仙子版minnie呀!!! 媽咪一見隻公仔有d唔開心咁第一隻公仔唔大隻最大嗰隻同20週年嗰隻爭好遠第二唔大隻得嚟都賣一萬yen 哇好貴呀... 嗲地輕輕一句 : 千金難買心頭好... 媽咪笑笑瞟一瞟嗲地買左!

行返去搵公公婆婆嘅同時媽咪叫左一聲 : 唔洗排隊呀!!! 唔洗排隊? 哦原來25週年紀念鎖匙唔洗排隊之前喺網上都見d人為左呢條鎖匙幾咁瘋癲一人限做一條每日仲要排兩至四個鐘先有得整其實最初媽咪上網睇25週年紀念品嗰陣第一眼就愛上呢條key架喇但一見網上d人話要排咁耐隊諗都唔敢諗去整... 今日居然實現埋媽咪呢個奢望媽咪第一時間衝去counter 用"K" "C" "T"呢三個字整左條好有意思嘅key 嗲地初初都好似好欣賞但眼見d配件一件一件要錢最後cashier姐姐整個total數出嚟嗰陣嗲地忍唔住話 : 哇你嗰野丫咁鬼貴嘅? 嘻嘻嗲地你頭先先講完千金難買心頭好呀!!!

返到去yee ee同少都玩完巨雷山再玩埋木奇遇記唔洗排隊梗玩埋佢啦!

之後我地就正式去shopping喇媽咪同yee ee各自放血媽咪買得好狼死呀好似前世未見到迪迪尼d野咁唉我都係同公公婆婆喺出面等你地啦...

shop到咁上下嗲地吹雞喇原來係winnie the pooh嘅FP夠鐘喇於是我地一支箭咁衝過去去到啱啱爭三分鐘唔比入真係抹一額汗 Titi等左一日都係想睇pooh pooh同虎虎嘛

入到去好開心好多pooh好多虎呀同香港個pooh爭好好好遠靚好多車程耐好多所以媽咪唔玩巴斯 (同香港嗰個冇分別) 都要玩pooh pooh... 玩完!!! 我開心到係咁拍手最後媽咪仲喺精品店買左隻pooh公仔比我我一見到佢就開心呢多謝媽咪!

行程嚟到呢度 yee ee唔住問媽咪 : 家姐點解你仲咁有戰鬥力嘅? 媽咪笑一笑示意佢地坐喺度等燈光巡遊而媽咪就同地去攞之前曬嘅全家福同鎖匙...佢地返到嚟啱啱好巡遊開始媽咪即刻抱我出去近d睇仲同我跳舞好開心呀我全程指住d車車係咁叫有時仲 " 哇" 哇聲笑死媽咪佢話我好似大鄉里咁跟住媽咪錫左我一啖而titi呢亦都唔執輸咀左佢一大啖哈哈好多口水架...十分鐘嘅跳舞換來媽咪腳板舊患返發之後行路都拐下拐下呀...

睇埋煙花意味著我地就要走咯 titi唔捨得東京迪士尼呀我唔走我要留耐d!!! 所以我決定用開大!!! 果然我一大大佢地陪我喺迪士尼洗手間留多十分鐘...十分鐘都好丫

下面張相好清楚見到我隻pooh pooh 仲有媽咪一萬yen嘅細minnie(佢有隻20週年依家有埋25年喇) 仲有仲有就係一set嘅全家福disney album喇...

之前講嘅靚靚鎖匙媽咪珍而重之收好喇...

上到車個個都好累咁司機車我地返池袋太子酒店返到去酒店唔夠十分鐘又出去點解? 大家唔覺我地冇食晚飯架咩? 我地唔食晚飯嘅原因就係為左食東京好出名嘅拉麵 "無敵家" 行左15分鐘 titi訓左啦陪唔到各位食...後尾媽咪話比我聽嗰間拉麵店成十點幾都一大條人龍好誇張 d麵...果然好堅特別介紹係隻旦(糖心) 同叉燒 (鬆化) 被佢地一致公認冇得頂呀!!!