十二月二十日
十五個月至十六個月閒記
Titi大叫 : 聖誕快樂
我好開心呀!!!
又到聖誕 又到聖誕 一年一度嘅聖誕又嚟喇
喺度祝大家有個超級開心兼溫馨嘅冧冧聖誔
年年聖誕都要去幾個地方 銅鑼灣 中環 海港城 工展會...
今日就去左海港城 一來同媽媽gather下 二來影下相嘛
星期六要返半日工呀 一收工就自己返屋企
join ti爸同titi食lunch 嘻嘻 食左酸辣湯雲吞 好鬼辣呀
休息一陣 就出車直衝尖咀 見見今年嘅海港城
今年嘅海港城話佢靚又唔係 唔靚又唔係
個景好暗 同埋冇之前咁多水晶閃呀閃
一去到 真係 "吓"左一聲 老實講 有d失望呀
記得有年水晶塲好靚架 今年得架會郁架火車
仲要好多人 影到冇心機...
大眼妹澄澄 hello!!!
今晚見到澄澄同埋桐桐 兩個可愛小妹妹
我地去左翡翠拉麵晚膳 叫左好多野 都係位位一百
真係好抵啊 一邊食一邊傾計 好似傾嚟傾去都傾唔完咁
最後仲約定下次新年見呢
喺海港城好多聖誕樹 每棵都好靚 mami最鐘意彩色嗰幾棵
一邊幫titi同桐桐合照 兩個各有各走
一個去左冒險樂園 手指指 一個去左miki house坐車車
我諗都係要喺公園先可以靜心拖手仔玩咯
而澄澄今晚好聽話 好叻叻 仲著得好靚靚tim
mami好鐘意澄澄 成個公仔咁 對眼更加殺c人喇...
桐桐就識講好多野 仲好高tim...
桐桐今個星期要聽話啊 爸爸媽媽要去威威
靚爸靚媽 玩得開心d喇 yeah!
今次喺海港城影左唔係好多相咋 當中titi佔量就最多
mami仲暗中見到好多人偷影佢 可能佢著左套聖誔衫衫卦...
d後生仔女影佢 mami一d都唔介意 仲叫titi笑
但居然有一個抱左佢去影 依家d人咁大膽嘅
家長都未同意 未話好 就影喇 有時唔知點拒絕
最衰都係隻衰豬懶friend咁 個個都抱得...
ti爸話算啦 人地都係好意啫...唯有自己再睇緊d啦
每年聖誕 海港城都見證住ti爸同ti媽嘅愛情
亦都見證住ti媽大肚 titi出世....一歲 兩歲...
再見喇 2008年嘅聖誕海港城...
明年十二月 我地三個會再嚟....
沒有留言:
張貼留言