迪b 大魚 你知道爸爸mami在哭嗎?

星期六晚 19/05/2007 我地屋企發生左一件大事

屋企魚缸滲水 d魚被迫放入大筒內 幾經辛苦先放好晒 d魚仔好似好驚咁

放完之後先知死 冇臨時氣泵!!!!!! 好似之前比我揼左出街喎

養過魚既人應該知道 d魚冇左氣係死硬架 換言之 d魚個晚一定會死

諗到呢度 我地個心突然一沉 依家得兩個方法

1. 快快手將d魚送去廁所 按一按掣 d魚會消失晒
2.等第二日d魚死到發脹晒先送去廁所

諗左一陣lo二話不說 將筒d魚倒晒去廁所 (包括佢最有感情 最鐘意既勁大蒼魚)

呢條小蒼變大蒼都係兩年既時間 呢兩年佢陪住lo過左好多個睇波既夜晚 好有感情

lo倒完既一剎 喊左出黎 : 真係死左啦! 我同時亦忍唔到眼濕濕 (我冇諗過lo咁傷心)

迪b 個晚你知道爸爸 mami喊得咁傷心呢?

迪b 如果大蒼魚未死你會好鐘意 定好驚條咁大既魚魚呢?

點都好 我心裡面總覺得大蒼魚係有心整穿魚缸去成全迪b有間大d既房 大d既空間

我地永遠都會記得你 談大魚!