小ti嘅四個月禮物_high chair

                

     

         呢件就係元朗買嘅堅麵飽超人衛衣 ($100咋)

               小ti嘅四個月禮物 就係由ti公贊助嘅high chair啦

                  話說ti公整爛左比小ti坐嘅cushion (哩 腸型嗰條呢)

                                  ti公為左唔比mami"鵝"佢

            ti公比左三百蚊mami去買過樣可以比小ti坐嘅野

                                  mami靈機一觸 bumbo chair!

     見好多人話Bumbo chair好正 好多媽媽都係用呢張chair做四個月禮物

        mami都覺得好似唔錯 又好似好得意 滿足晒mami貪新鮮嘅慾望

              於是就捉左ti爸送我地去反反城度 試下呢張Bumbo chair啦

                   

                   

                   勁喊啊 所以唔買 淨係影張相算啦

                  

                                      唔買嗰d都試下啦 哈哈

            點知佢一坐落去就係咁大喊 可能佢唔鐘意有野"COOL"住同包實晒卦

             試左幾次 好明顯佢真係好唔鐘意 我地唯有決定放棄張Bumbo chair!

                      識mami嘅人都知 我係唔會空手而回嘅 點都要買返d野

                            呵呵 見graco張 high chair減價 sale講到我心郁郁

                                          還掂都要買 好 包起佢啦 唔該!!!

                       

                      

                        佢依家仲坐緊呀 d玩具就擺喺餐檯上

              但個哥哥話四個月唔可以坐多過一個鐘

        去玩反反城 就join左ti爺ti嫲去飲茶 titi好似好想食d點心咁 以前都唔會架

                       

                        於是我地就影底佢d為食樣咯 佢係咁嗅碟馬拉糕

     

            可惜佢唔食得 (有黃糖喺裡面) 如果唔係 mami都想比少少佢試吓.....

      飲完茶茶 titi就跟左ti嫲返屋企 我地就同yuki姑姐去買simply bread嘅cake

                 

                        都係文華d cake好味d (呢度係嫲嫲屋企嚟架)

                 是日晚餐 係打邊邊呀 咁鬼凍 最好梗係打邊邊啦 好野!