要細佬妹嗎?

                    呢排titi表叔放暑假咯 好多時我收工都"的"埋表叔上樓

                      表叔同titi好老死架 可以一齊玩 而我都可以做下自己野

                        有時遠遠望住佢地 都會問自己 生唔生多個呢

                               就呢個問題 問過好多一家四口嘅家庭

      有d就話好後悔生多個 有d就話一家四口好溫馨 兄妹姐弟有商有量

           眼見小米同寶兒呢兩個baby blog友就嚟多個細佬妹 好開心呢

                     但另一方面眼見好多mami照顧兩件就冇晒自由

                  綜合咁多人嘅意見 都諗唔通 mami係一個愛玩之人

              好難想像晚晚返屋企睇兩個小朋友功課 連睇電視都唔得

                        精神 耐性係問題嘅關鍵 都係唔好plan要喇

                          但聽到表叔講左一句 " 有 titi喺度冇咁悶 "

       mami心態動搖咯 titi第日會唔會好似蚊ee咁講 坐喺度呆呆的 落寞的呢?

                              titi要唔要細佬妹呢個 topic 亦做過投票

                         屋企有人大力贊成 亦都有重要人物極力反對

                   而mami呢? 唔 心郁郁喇 因為見到表叔同titi好似兄妹咁

                   呢d相 好sweet呢 好似好有感情 唉 titi 都係由你決定啦

                    

                

                  

             ps: mami今日升左職 加左人工 本應好開心 但我反而唔多開心

                 好想轉內部 或者做operation呀

                  見到hsbc個staff跳樓嘅新聞 心很沈 依家做銀行 錢可以搵好多

                   好似嗰個hsbc人 月薪十二萬 但壓力太大了 半Q點做十億revenue呀???

                  mami呢排返工都好有壓力 太得閒喇 返工唔應該係咁

                 得閒得嚟驚冇數交 唉 依家咁嘅環境邊有人敢做investment丫

                  尋日見到個客買左first state concept基金 三十萬得返九萬

                  點解d人咁傻呢 唔識投資又c都要買 懶醒 輸左喇 就吵吵鬧鬧

                  輸打贏要嘅客 好麻煩 唉 titi mami返工辛苦呢...(呢排啫 出糧就 happy返)