十月十九日 天晴 星期日
十三個月至十四個月閒記
一早yee e話去山頂 mami一口答應
因為titi好似未去過老襯亭 呵呵 一於上去轉個靚圈先
去到山頂 等左半粒鐘先有車位 好彩mami同yee e一早落左車行街啫
mami仲買左動物flash咭 ABC flash咭比titi 一於做個n1前教育
睇住flash card 依家titi識分 狗 貓 鴨 熊貓 老虎 馬馬 全部都可以分到
mami一叫邊隻馬馬呀 titi就好快拎起馬馬張咭 可惜ABC就冇心機學....
行街行到咁上下 mami同yee e去左一間叫 " 香港地"嘅食肆排隊
果然幾好食 喺凌霄閣嚟講 算好好食 同好抵食咯 ^^ 唔洗加一呢
titi仲喺餐廰度玩得好開心 搞到我地冇啖好食...
食完lunch對面就係像館 同bruce哥 kelly張影返張相先
之後就喺凌霄閣 行左一陣 依家要比二十蚊先上到閣頂
哇 咁我地四個要八十蚊 好耐之前上過去都冇咩睇咋喎
依家要收二十蚊佢真係好好賺呀 所以冇上去lu....
離開凌霄閣 我地向老襯亭出發lu 全程手抱 都唔好話唔累呢
今日yee ee好似傻左咁 可以抱titi大半程呀 勁叻
行左好多路 ( ti爸話假日車唔上得去...) 先到老襯亭
點知....噢 做咩維修呀??? 唔制呀 唔制呀......
(py媽媽話係發掘古蹟 咭咭 sorry....)
正當mami好upset之際 titi喺另一邊吹緊涼風 仲吹得好爽咁
哈哈 咁上嚟都有d意義 yeah
老襯亭附近的犬隻公園......
落山嘅時候 經過一個好靚嘅小公園
喺嗰度逗留左一陣 之後就返屋企休息lu
yee e同婆婆去睇裝修.....
星期日嘅晚餐居然係我地三個食飯盒呢 ^^
好似好爽咁...........
回覆刪除[版主回覆10/22/2008 11:26:00]yeah!!! 爽爆 最鐘意秋天哩
山頂--賣飛佛
回覆刪除[版主回覆10/22/2008 11:24:00]v利 米都!!!
影D相又靚左..............勁!
回覆刪除[版主回覆10/22/2008 11:24:00]傻瓜機嚟架咋 嗰日係天色靚d相就靚啫 thanks!
山頂既view真係一流
回覆刪除[版主回覆10/22/2008 11:23:00]係呀 特別天色好清嗰陣 就最好喇 ^^
哈哈..唔係維修, 係發現左古蹟, 要圍住呀 !! 我 去 o個 日天都黑, 影唔到 titi 咁靚女嘅相添
回覆刪除[版主回覆10/22/2008 11:22:00]噢 真係... 我仲大鄉里以為維修tim 嗰日都見有d相post出嚟...
嗰日好好天色呀 所以d相都唔錯 ^^
哎呀....我仲 plan 了呢個 week 去添
回覆刪除[版主回覆10/22/2008 11:21:00]可以去淩霄閣嘅 但唔好上去咯 見到有警察抄牌架 (有許可證先可以假日上去..) 我地嗰日行上去呀..^^
我前排都上過去啊...泊車每粒鐘都成40蚊...所以行左一陣就走lu...
回覆刪除[版主回覆10/22/2008 11:18:00]所以嗰日等街錶呀 大佬 四十蚊一個鐘就要百六蚊咯 ^^
野 見到你又緊張喇 .....
你D 相影得好靚呀
回覆刪除[版主回覆10/22/2008 16:32:00]多謝晒 嗰日天色好 d相係靚d呀
而家要收20蚊,都好識搵錢喎~
回覆刪除[版主回覆10/22/2008 16:32:00]係咯 之前明明唔洗錢架嘛 依家一家人行一陣都收20蚊
仲要d風景同對面shopping mall差唔多呀
我都好耐無上過山頂喇, WA, 要$20, 真係打劫咁呀...
回覆刪除[版主回覆10/22/2008 16:34:00]yes 如果一家上去就好貴架...搵日同alvin上去咯
好多個月前我都去過閣頂，知道要比２０蚊一位，即刻掉頭啦，嫌錢鯹嗎！哈哈 ！
回覆刪除[版主回覆10/22/2008 21:24:00]係咯 十蚊都話啫 大佬二十蚊 我地唔係遊客嘛 平日好捨得嘅我都覺得呢個收費好唔合理 可能之前唔洗收錢啦...如果一家人去就百幾蚊落返嚟呀
個公園都幾靚喎...
回覆刪除[版主回覆10/22/2008 21:23:00]係呀 同樂少去一轉咯
回覆刪除Titi 你行的好辛苦啊.加油yee幫你打氣
[版主回覆10/22/2008 21:23:00]係呀 你發現呢張相 titi好似行得好辛苦咁呀 笑c 我啦
個草地幾靚喎，影出黎啲相好靚呀！
回覆刪除[版主回覆10/22/2008 21:22:00]同埋嗰日天色好靚 ti爸喺度較下較下部相機 出嚟又唔錯喎 ^^
嘩! d相得確靚, 又有靚靚titi一絕^^
回覆刪除[版主回覆10/22/2008 21:21:00]哇 多謝呀林林媽媽 嗰日天色好嘛 ^^
titi真係好,成日都周圍去,山頂真係好靚呀~~
回覆刪除[版主回覆10/23/2008 16:28:00]得閒去下山頂好relax呀 好舒服 好似去緊旅行咁呢 ^^
好似雜誌d相,影得好有水準,不過都要個model靚先得既.......
回覆刪除[版主回覆10/23/2008 16:27:00]yeah 多謝比比讚我 好開心呀 你唔喺度好悶 ....
TitI就黎去"云"香港所有地方啦
回覆刪除[版主回覆10/23/2008 16:26:00]都未離開過hk呀 ^^ 就嚟可以喇
哈哈..成日睇你個Blog好多地方介紹呀...唔該晒...
回覆刪除[版主回覆10/23/2008 16:25:00]唔水客氣 得閒同倩渝去咯 ^^
titi全程都好精靈喎
回覆刪除[版主回覆10/23/2008 16:23:00]係呀 佢嗰日鬼打咁精神呀 ^^
titi姐姐好似地大過咗好多呀! 唔知我幾時可以同你玩呢?
回覆刪除[版主回覆10/23/2008 19:46:00]隨時都可以同朗朗去玩啦 同朗朗影多ｄ靚相先 ＾＾
之前仲諗住去添
回覆刪除[版主回覆10/24/2008 23:28:00]你自己話唔去架 話好遠 本來諗住聽日去....
我唔係話聽日去呀, 前排想去, 不過都係嫌遠
回覆刪除[版主回覆10/25/2008 22:36:00]咁都係呀 我地港島區去近好多呀