十月二十六日
十三個月至十四個月閒記
星期日 mami全屋大掃除呀 執完屋好開心
乾淨晒 yeah 平日懶到c 終於掟起心肝執下野
執完之後 就同嫲嫲 爺爺去飲茶
飲完茶 有邊度好去呢? 諗到公園 好似好悶喎
ti爸木無表情 亦都係淡淡的說 : 婆婆買嗰架thomas bubbles車...
噢!!! 係喎 一於帶埋bubbles car去公園玩先
最後揀左去杏花邨放bubbles 因為少d小朋友嘛
mami驚多小朋友 一放bubbles d小朋友會瘋癲 推到titi
所以一定唔可以揀大公園玩...杏花邨嘅海傍係最好嘅選擇
果然 去到咁靚嘅公園 都只得三個小朋友 good fit
架thomas泡泡車好得意架 一邊鳴鳴叫 一邊行 一邊放bubbles呢
titi初初又驚又要玩 最後唔驚喇 仲同小朋友玩得好開心tim
mami望住titi同其他小朋友玩 覺得好開心 因為見到個衰女有進步
由初初唔肯比人抱 痴實晒我地 到依家個個都跟
由初初唔鐘意同小朋友分享 到依家好主動叫小朋友同佢玩
真係好喇 mami依家放心好多 titi愈大個愈要獨立啊~
晚飯之前 mami見到titi想大大嘅抽筋樣
心血來潮 想好似嫲嫲咁"勒"大大 於是mami快手快腳
除佢褲仔 的佢上麵飽超人便便板 仲唔左佢幾聲
唔洗一分鐘 "篤" 哈哈 mami第一次成功勒到titi去大大呀
嫲嫲平日仲勒到佢小便大便 一日都唔濕兩條片 mami要努力學習先...
沒有留言:
張貼留言